Author: Muhammad Zeeshan

خشک خوبانی ایک مزیدار اور صحت بخش خشک میوہ ہے جس میں کئی اہم غذائی اجزاء ہوتے ہیں۔ یہ قدرتی طور پر معدنیات سے بھرپور ہوتی ہے جو نہ صرف ذائقے میں اضافے کا باعث بنتی ہے بلکہ صحت کے لیے بھی بے شمار فائدے فراہم کرتی ہے۔ خشک خوبانی کا استعمال دل کی صحت سے لے کر ہاضمے، جلد کی خوبصورتی اور قوت مدافعت میں اضافے تک کئی فوائد فراہم کرتا ہے۔ اس کے فوائد کے بارے میں مزید تفصیل سے جاننا دلچسپ ہو سکتا ہے۔

فوائد

ہاضمہ کے لیے فائدہ مند

خشک خوبانی غذائی اجزاء سے بھری ہوتی ہے۔ اس لیے ہاضمے کو درست رکھنے میں اہم کردار ادا کرتی ہے۔ خشک خوبانی کا استعمال آپ کو قبض سے لڑنے میں بھی مدد دے سکتا ہے کیونکہ یہ صحت مند آنتوں کی حرکت کو سہارا دیتا ہے

آنکھوں کی صحت کو بہتر بناتی ہے

خشک خوبانی اور تازہ خوبانی دونوں آپ کی آنکھوں کی صحت کے لیے حیرت انگیز غذائیں ہیں۔ آنکھوں کی بہتر صحت کو برقرار رکھنے کے لیے آپ اپنی خوراک میں مٹھی بھر خشک خوبانی شامل کر سکتے ہیں

دل کی صحت

خشک خوبانی دل کی صحت کے لیے فائدہ مند ہوتی ہے اور خون کے دباؤ کو معمول پر رکھنے میں مدد دیتی ہے۔

قوت مدافعت میں اضافہ

خشک خوبانی جسم کی قوت مدافعت کو مضبوط کرتی ہے اور بیماریوں سے بچاؤ میں مدد دیتی ہے۔

خون کی کمی کو دور کرنا

خون کی کمی بہت سی بیماریوں کی وجہ بن سکتی ہے۔ خشک خوبانی میں ایسے اجزاء موجود ہوتے ہیں جو خون کی کمی کے شکار افراد کے لیے مفید ہے

وزن کم کرنے میں مددگار

خشک خوبانی میں فائبر اور قدرتی شکر ہوتی ہے اس لیے یہ آپ کو بھرا ہوا رکھتی ہے اور بھوک کو کنٹرول کرتی ہے اور وزن کم کرنے میں مددگار ہو سکتی ہے۔

جلد کی خوبصورتی کو فروغ دیتی ہے

کچھ غذائیں آپ کی جلد کے لیے فائدہ مند ہوتی ہیں جب کہ دیگر تیل والی غذائیں آپ کی جلد کو نقصان پہنچا سکتی ہیں۔ خوبانی آپ کی جلد کے لیے فائدہ مند ہے۔ خوبانی میں معدنیات کی موجودگی جلد کے لیے سپر فوڈ ہے۔ آپ خوبانی کے استعمال سے شعاعوں، آلودگی یا عمر بڑھنے کی علامات سے ہونے والے نقصان سے لڑ سکتے ہیں

قوت مدافعت بڑھانے میں مددگار

خشک خوبانی میں ایسا معدنیات پایا جاتا ہے جو جسم کی قوت مدافعت کو بڑھاتا ہے اور بیماریوں سے لڑنے میں مدد دیتا ہے۔

شوگر کے علاج میں مدد کرتی ہے

خشک میوہ جات خون میں گلوکوز کی سطح میں ضرورت سے زیادہ اضافہ نہیں کرتے۔ خشک خوبانی سے گلوکوز کی مناسب مقدار کی سطح کو کنٹرول کرنے میں بھی مدد مل سکتی ہے۔ خشک خوبانی انسولین کی سطح کے لیے بھی  فائدہ مند ہے

ہڈیوں کی معدنی کثافت کو بہتر بنا سکتی ہے

ہڈیوں کی کمزور ایک بڑا مسئلہ ہے جبکہ خواتین اس مسئلے کا بہت جلدی شکار ہو جاتی ہیں ہڈیوں کی کمزوری اور اندرونی کھوکلا پن ہڈیوں کی خرابی کی سب سے بڑی وجہ ہیں۔ خشک خوبانی میں بوران موجود ہوتا ہے جوکہ ہڈیوں کے معدنی کثافت کو بہتر بنانے میں مدد کر سکتا ہے

اینٹی آکسیڈنٹس سے بھرپور

خشک خوبانی اینٹی آکسیڈنٹس سے بھرپور ہوتی ہے جو جسم سے فری ریڈیکلز کو ختم کرتی ہے اور کینسر جیسی بیماریوں سے بچاتی ہے۔

توانائی کا ذریعہ

خشک خوبانی میں قدرتی شکر ہوتی ہے جو فوری توانائی فراہم کرتی ہے۔

حمل کے دوران فائدہ مند

خشک خوبانی خون کی صحت کو بہتر بنانے میں مددگار ثابت ہوتی ہے۔ حمل کے دوران عورت کے خون کا حجم 50 فیصد بڑھ جاتا ہے۔ اس کا مطلب ہے کہ اسے اپنی خوراک میں زیادہ آئرن کی ضرورت ہوگی۔ خشک خوبانی آئرن کا ایک اچھا ذریعہ ہے اور اس سلسلے میں مددگار ثابت ہوسکتی ہے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

پپیتہ ایک ایسا قدرتی خزانہ ہے جو نہ صرف ذائقے میں خوشبودار ہے بلکہ آپ کی صحت کے لیے بے شمار فوائد بھی فراہم کرتا ہے۔ یہ پھل معدنیات سے بھرپور ہوتا ہے جو آپ کی زندگی کو بہتر اور توانائی سے بھرپور بنا سکتا ہے۔ یہاں پپیتہ کے مزید تفصیل سے فوائد پیش کیے جا رہے ہیں جو آپ کو اس کے حیرت انگیز اثرات کا پوری طرح سے شعور دے سکتے ہیں۔

فوائد

ہاضمہ کے لئے

پپیتہ میں ایسا قدرتی اجزاء ہوتا ہے جو ہاضمے میں مدد دیتا ہے۔ یہ ہاضمہ کے مسائل جیسے بدہضمی، قبض اور گیس کو دور کرتا ہے۔ پپیتہ کا باقاعدہ استعمال آپ کے معدے کو صاف اور ترو تازہ رکھتا ہے۔ اگر آپ کو اکثر ہاضمہ کی پریشانیوں کا سامنا ہو تو پپیتہ بہترین مددگار ثابت ہو سکتا ہے۔

مدافعتی نظام

پپیتہ مدافعتی نظام کو مضبوط کرنے میں اہم کردار ادا کرتا ہے۔ روزانہ پپیتہ کا استعمال آپ کو سردی، زکام، اور فلو جیسے وائرس سے بچا سکتا ہے۔ اس کے علاوہ یہ آپ کے جسم کو بیماریوں کے خلاف لڑنے کے لئے تیار کرتا ہے۔

جلد کی خوبصورتی کے لئے

پپیتہ آپ کی جلد کو نرم، ہموار اور روشن بناتا ہے۔ یہ جلد کے نئے خلیے بناتا ہے، جھریوں کو کم کرتا ہے اور جلد کو نمی فراہم کرتا ہے۔ پپیتہ کا جوس پینے سے آپ کی جلد کی خوبصورتی میں نمایاں اضافہ ہو سکتا ہے۔

دل کی صحت کے لیے قدرتی ٹانک

پپیتہ دل کی صحت کے لئے بے حد فائدہ مند ہے۔ یہ خون کی گردش کو بہتر کرتا ہے اور خون کی شریانوں میں رکاوٹ پیدا ہونے سے روکتا ہے جس سے ہائی بلڈ پریشر اور دل کی بیماریوں کا خطرہ کم ہوتا ہے۔ پپیتہ کو اپنی روزانہ کی خوراک میں شامل کرنا دل کی بیماریوں سے بچاؤ کا ایک قدرتی طریقہ ہے۔

وزن کم کرنے میں مددگار

پپیتہ کا پانی آپ کو زیادہ دیر تک بھرا ہوا محسوس کراتا ہے جس سے آپ کے کھانے کی خواہش کم ہو جاتی ہے اور وزن کم کرنے میں مدد ملتی ہے۔ اس میں کم کیلوریز اور زیادہ پانی ہونے کی وجہ سے یہ قدرتی طور پر وزن کو کنٹرول کرنے میں مددگار ثابت ہوتا ہے۔

آنکھوں کی صحت میں اضافہ

پپیتہ آنکھوں کی صحت کو بہتر بناتا ہے اور نظر کی کمزوری کو روکتا ہے۔ یہ آپ کی آنکھوں کو شعاعوں سے تحفظ فراہم کرتا ہے اور آنکھوں کے پٹھوں کو مضبوط بناتا ہے۔

کینسر سے بچاؤ کا قدرتی طریقہ

پپیتہ کینسر کے خلیوں کی نشوونما کو روکنے میں مددگار ہے۔ یہ آپ کی صحت کو بہتر بناتا ہے اور جسم کو بیماریوں سے بچاتا ہے۔

مضبوط ہڈیاں اور جوڑ

پپیتہ ہڈیوں کو مضبوط بنانے اور جوڑوں کی صحت میں بہتری لانے میں مدد کرتا ہے۔ اس کے استعمال سے ہڈیوں کی کمزوری اور جوڑوں کے درد میں کمی آ سکتی ہے۔

مادے کی تحلیل میں مدد

پپیتہ کا جوس جسم میں موجود زہریلے مادوں کو نکالنے میں مدد فراہم کرتا ہے جس سے آپ کا جسم زیادہ صاف اور توانائی سے بھرپور رہتا ہے۔

سوزش کم کرنے والا

پپیتے میں ایسی خصوصیات ہوتی ہیں جو جوڑوں کے درد اور سوزش کو کم کرتی ہیں۔ یہ گٹھیا جیسی بیماریوں میں آرام پہنچاتا ہے۔

خون کی کمی دور کرتا ہے

پپیتے میں آئرن کی مقدار ہوتی ہے جو خون کے سرخ خلیات کو بڑھاتا ہے۔ یہ انیمیا (خون کی کمی) کو دور کرنے میں مددگار ہے۔

شوگر کے مریضوں کے لیے مفید

پپیتے میں شوگر کی مقدار کم ہوتی ہے جبکہ فائبر کی مقدار زیادہ ہوتی ہے جو بلڈ شوگر لیول کو کنٹرول کرتا ہے۔ یہ شوگر کے مریضوں کے لیے ایک محفوظ پھل ہے۔

حاملہ خواتین کے لیے مفید

پپیتے حمل کے دوران بچے کی نشوونما کے لیے ضروری ہے۔ تاہم کچا پپیتہ حاملہ خواتین کے لیے نقصان دہ ہو سکتا ہے اس لیے اسے استعمال کرنے سے پہلے ڈاکٹر سے مشورہ ضرور کریں۔

معدے کے السر کے لیے مفید

پپیتے کا رس معدے کے السر کو کم کرنے میں مددگار ہے۔

پپیتہ کے چند مفید نسخہ جات

جلد کے لیے مفید نسخہ

پپیتے کے چند ٹکڑوں کو باریک پیسٹ بنا کر جلد پر لگائیں۔ اسے 15 منٹ تک رہنے دیں پھر اسے پانی سے دھولیں۔ یہ ہفتے میں 2-3 بار استعمال کریں۔

تریاق یورک ایسڈ

زنجبیل 50گرام، سورنجاں شیریں 50گرام، پپیتا خام 50گرام، سنا مکی 50گرام، رازیانہ 50گرام، اندر جوشیریں 50گرام، پوست بیخ عشر 40 گرام، سوڈا خوردنی 30 گرام، ملح الفجل 30 گرام، مکوہ دانہ 30 گرام سفوف بنا لیں۔
خوراک: سب سے چھوٹے سائز کے کیپسول ایک صبح ایک شام ہمراہ پانی استعمال کریں۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment.

موٹاپہ صرف ظاہری تبدیلی نہیں بلکہ صحت کے کئی مسائل کی جڑ بھی ہے جیسا کہ دل کی بیماریاں، شوگر اور ہائی بلڈ پریشر۔ آئیے جانتے ہیں کہ وزن زیادہ ہونے کی بنیادی وجوہات کیا ہیں اور اس سے کیسے بچا جا سکتا ہے

موٹاپے کی وجوہات

غلط خوراک

جنک فوڈ، چینی اور زیادہ چکنائی والی غذائیں وزن بڑھانے میں اہم کردار ادا کرتی ہیں۔

بیٹھے رہنے کی عادت

ورزش نہ کرنا یا جسمانی سرگرمیوں کی کمی موٹاپے کا سبب بنتی ہے۔

نیند کی کمی

نیند کی کمی سے جسم میں اہم ہارمونز کی سطح متاثر ہوتی ہے جو بھوک اور پیٹ کی بھرائی کو کنٹرول کرتے ہیں۔ نیند کی کمی کی وجہ سے یہ ہارمونز کام نہیں کرتے جس سے بھوک میں اضافہ ہوتا ہے اور لوگ زیادہ کھاتے ہیں۔

ذہنی دباؤ اور پریشانی

جب کوئی شخص ذہنی دباؤ یا پریشانی کا شکار ہوتا ہے تو وہ کھانے کی طرف رجوع کر سکتا ہے۔

ادویات اور بیماریوں کا اثر

بعض دوائیں جیسے ادویات اور سٹیائڈز وزن میں اضافے کا باعث بن سکتی ہیں۔ کچھ بیماریوں جیسے تھائیرائیڈ کی خرابی اور انسولین کی مزاحمت بھی موٹاپا پیدا کر سکتی ہیں۔

ڈپریشن اور افسردگی

بہت سے افراد کو جذباتی مسائل کی وجہ سے کھانے کی زیادہ خواہش ہوتی ہے اور وہ کھانے کے ذریعے عارضی سکون حاصل کرتے ہیں۔

شکر اور پروسیسڈ فوڈز

شکر والی غذا اور پروسیسڈ فوڈز جیسے کینڈی، چاکلیٹس اور بسکٹ وغیرہ بھی موٹاپا بڑھانے میں اہم کردار ادا کرتے ہیں۔ ان میں عام طور پر کیلوریز ہوتی ہیں جو جسم میں توانائی مہیا کرتی ہیں لیکن غذائیت نہیں دیتی۔

غذا کا بے قابو استعمال

بعض لوگ کھانے کی مقدار یا اوقات کا خیال نہیں رکھتے اور بغیر ضرورت کے زیادہ کھا لیتے ہیں جس سے وزن میں اضافہ ہوتا ہے۔

جسمانی سرگرمی کی کمی

: جدید زندگی کے بڑھتے ہوئے دباؤ اور سہولتوں کی وجہ سے لوگ کم متحرک ہوگئے ہیں۔ طویل وقت تک بیٹھنا، کم چلنا، اور ورزش نہ کرنا وزن بڑھانے کا سبب بنتا ہے۔

موٹاپے کا حل

پھل اور سبزیاں

روزانہ کم از کم پانچ حصے پھل اور سبزیاں کھائیں۔ یہ غذائیت سے بھرپور ہوتی ہیں اور کم کیلوریز فراہم کرتی ہیں۔

کم چکنائی والی غذائیں

مرغی، مچھلی، دالیں اور انڈے جیسے ذرائع کا انتخاب کریں کیونکہ یہ آپ کو زیادہ دیر تک بھرپور رکھتے ہیں۔

مؤثر کیلوریز کی کمی

روزانہ کیلوریز کی مقدار کو کم کریں مگر اس بات کا خیال رکھیں کہ غذا میں ضروری غذائیت موجود ہو۔

پانی کی زیادہ مقدار

پانی زیادہ پیئیں تاکہ جسم ہائیڈریٹڈ رہے اور آپ کم کھائیں۔

ورزش

کم از کم 30 منٹ کی روزانہ ورزش جیسے تیز چلنا، دوڑنا، سائیکلنگ یا سوئمنگ وزن کم کرنے میں مددگار ثابت ہو سکتی ہے۔

موٹاپا ختم کرنے چند لاجواب نسخہ جات

نسخہ (1)

تخم حنظل 160 گرام، نانخواہ 160 گرام، زنجبیل 160 گرام، گل سرخ 120 گرام، گوند کیکر 60 گرام، تج 160 گرام اور کائپھل 50 گرام۔ تمام اشیاء کو صاف کرکے سفوف بنا کر فل سائز کے کپسول بھر لیں۔
ایک سے دو کیپسول صبح و شام ہمراہ نیم گرم پانی استعمال کریں۔

نسخہ (2)

سہاگہ 60 گرام، کالی مرچ 15 گرام، مصبر 20 گرام، بڑی الائچی 25 گرام
کوارگندل جیل گولیاں بنانے کے لیے سب سے پہلے سہاگہ کو گرم توے پر بریاں کرلیں اور تمام اشیا کو پیس کر یک جان کرلیں اور ایلوویرا جیل یا لعاب گھیکوار کی مدد سے کابلی چنے کے برابر گولیاں بنا لیں۔
ترکیب استعمال: 1 تا 2 گولی صبح و شام خالی پیٹ استعمال کریں

نسخہ (3)

سویا کے بیج 10 گرام، کلونجی 50 گرام اور قُسط شیریں 50 گرام۔ ان تینوں اشیاء کو پیس کر مکس کر کے ایک پاؤ شہد میں ملالیں۔ ہر کھانے کے بعد ایک چائے کا چمچ استعمال کریں۔

نسخہ (4)

کھانے سے آدھا گھنٹہ پہلے تین عدد انجیر کھا لی جائیں تو موٹاپے کا سدباب ہوجائے گا اور وزن میں اضافہ رک جائے گا۔

نسخہ (5)

نوشادر 2 تولہ، نمک طعام 2 تولہ، نمک سیاہ 2 تولہ، سہاگہ بریاں 2 تولہ، نمک لاہوری 2 تولہ، نرکچور 2 تولہ، چھلکا ھریڑ کابلی 2 تولہ، ہریڑ سیاہ 2 تولہ،
باو بڑنگ 2 تولہ، مرچ سیاہ 2 تولہ اور سونٹھ 2 تولہ کو صاف ستھرا کر کے کوٹ چھان لیں اور عرق گلاب میں ملا کر بقدر نخود گولیاں بنائیں اور دو سے تین گولیاں کھانا کھانے کے بعد عرق سونف سے کھائیں۔

نسخہ (6)

اجوائن دیسی 10 تولہ، زیرہ سیاہ 10 تولہ، کلونجی 10 تولہ،پودینہ خشک 10 تولہ، لاکھ دانہ 10 تولہ اور مکوہ دانہ 10 تولہ سب کا سفوف بنا لیں آدھی چمچ خالی پیٹ صبح و شام استعمال کریں۔

نسخہ (7)

اجوائن خراسانی 3 گٹھیاں، لیموں 1 کلو، بیکنگ سوڈا حسب ضرورت اور پانی ڈیڑھ لیٹر۔
بیکنگ سوڈا کی مدد سے لیموں کو اچھی طرح صاف کر کے دھو لیں۔ ڈیڑھ لیٹر پانی کو ابال کر ٹھنڈا کر لیں اُس کے بعد پانی میں اجوائن اور لیموں کو باریک باریک کاٹ کر شامل کر لیں۔ روزانہ 100 ملی لیٹر نہار منہ پئیں۔ صرف چند دن کے استعمال سے ہی آپ کو واضح فرق محسوس ہونا شروع ہو جائے گا۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

کیا آپ نے کبھی سوچا ہے کہ انناس ایک عام سا پھل آپ کی صحت میں اتنی بڑی تبدیلی لا سکتا ہے۔ آج ہم آپ کو انناس کے وہ راز بتائیں گے جن سے آپ بے خبر ہیں۔ یہ پھل نہ صرف آپ کا ذائقہ بڑھائے گا بلکہ آپ کی صحت کو بھی نئی زندگی دے گا۔ تو کیا آپ تیار ہیں آئیے دیکھتے ہیں کہ انناس آپ کی زندگی کیسے بدل سکتا ہے۔

فوائد

دل کی صحت

انناس کے استعمال سے دل کی بیماریوں کا خطرہ کم ہو سکتا ہے کیونکہ یہ کولیسٹرول کی سطح کو بہتر کرتا ہے اور خون کی روانی کو بہتر بناتا ہے۔

جلدی صحت

انناس میں موجود اجزاء جلد کی صحت کو بہتر بناتے ہیں اور بڑھاپے کے آثار کو کم کرتے ہیں۔

ہڈیوں کی صحت

انناس میں قدرتی اجزاء موجود ہوتے ہیں جو ہڈیوں کو مضبوط بنانے میں مددگار ہیں۔

سوزش کو کم کرتا ہے

انناس میں پائے جانے والی خصوصیات سوزش کو کم کرنے میں مدد دیتی ہیں جو جوڑوں کے درد اور دیگر سوزشی حالات میں فائدہ مند ہے۔

وزن میں کمی

انناس زیادہ پانی پر مشتمل ہوتا ہے جس کی وجہ سے یہ وزن کم کرنے کے عمل میں مدد دیتا ہے۔

مدافعتی نظام کی مضبوطی

انناس ایسے قدرتی معدنیات کا اچھا ماخذ ہے جو کہ جسم کی مدافعتی صلاحیت کو بڑھاتے ہیں اور بیماریوں سے لڑنے میں مددگار ہیں۔

جوڑوں کے درد میں مفید

بہت سے افراد جوڑوں کے درد کی وجہ سے پریشان نظر آتے ہیں۔ انناس میں پائے جانے والے اجزاء سوزش کو کم کرنے والی خصوصیات کے حامل ہوتے ہیں جو جوڑوں کی سوزش کے ساتھ ساتھ کمر کے نچلے حصے کے درد کو بھی کم کرتے ہیں۔

ہائی بلڈ پریشر کے مرض میں مفید

انناس ہائی بلڈپریشر کے مرض میں مفید سمجھا جاتا ہے۔ انناس سے نہ صرف بلڈ پریشر کے لیول میں کمی آتی ہے بلکہ دل کی بیماریوں اور اسٹروک کے خطرات میں بھی کمی آتی ہے۔

کینسر کے خطرات میں کمی

انناس کو اگر باقاعدگی کے ساتھ استعمال کیا جائے تو کینسر کے خطرات میں کمی لائی جا سکتی ہے۔ کینسر سے بچنے کے لیے آپ ہر روز اس پھل کا جوس استعمال کر سکتے ہیں۔

بالوں کی مضبوطی

بالوں کی مضبوطی میں اضافہ کرنے کے لیے انناس کا جوس، زیتون اور بادام کے تیل کو مکس کر لیں۔ اس مکسچر کے ساتھ بالوں میں اچھی طرح مالش کریں اور پھر دس منٹ کے لیے چھوڑ دیں۔ اس کے بعد بالوں کو کسی اچھے شیمپو سے دھو لیں۔ اس مکسچر کو ہفتے میں دو سے تین مرتبہ بالوں پر لگانے سے بالوں کا گرنا بند ہو جائے گا اور مضبوطی میں بھی اضافہ ہو گا۔

انناس ان بیماریوں میں مفید ہے

انناس کا رس گلاب اور مصری ملا کر صبح نہار منہ پینا سر درد، گردے اور مثانے کی پتھری میں بے حد مفید ہے۔

لیموں اور سکنجبین کے ساتھ انناس کا استمعال یرقان میں بے حد مفید ہے۔

گلے کے امراض میں انناس کو شربت توت سیاہ کے ساتھ استمعال کرنا مفید ہے۔

انناس جگر اور معدہ کو طاقت دینے کے ساتھ ساتھ خون کو بھی صاف کرتا ہے۔

انناس کی جڑ کو رگڑ کر پینے سے دکھتی آنکھیں ٹھیک ہوتی ہیں۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

پودینہ ایک خوشبودار جڑی بوٹی ہے۔ پودینہ قدرت کا ایک ایسا تحفہ ہے جو گھر کی زینت بھی ہے اور دواخانہ بھی۔ پودینہ نہ صرف کھانوں میں ذائقہ بڑھانے کے لیے استعمال ہوتا ہے بلکہ اس کے طبی فوائد بھی بے شمار ہیں۔ یہاں پودینہ کے کچھ اہم طبی فوائد بیان کیے جا رہے ہیں

فوائد

ہاضمہ کی بہتری

پودینہ ہاضمے کے نظام کے لیے بہت فائدے مند ہے۔ یہ معدے میں تیزابیت کو کم کرتا ہے اور کھانے کے بعد ہونے والی بدہضمی اور گیس کو دور کرتا ہے۔

ذہنی سکون اور تناؤ کا خاتمہ

پودینہ کا استعمال ذہنی سکون کے لیے بھی فائدہ مند ہے۔ اس میں موجود قدرتی اجزاء ذہنی تناؤ کو کم کرتے ہیں اور دماغ کو تازگی دیتے ہیں۔

سانس کی بدبو دور کرنا

پودینہ سانس کی بدبو کو دور کرنے میں مددگار ثابت ہوتا ہے۔ اس میں خصوصیات موجود ہیں جو منہ کی صفائی میں مدد دیتی ہیں اور سانس کو تازہ رکھتی ہیں۔ پودینہ کے پتوں کو چبانے سے منہ کی بدبو دور ہو جاتی ہے۔

معدہ کا محافظ

ضعفِ معدہ، پیٹ کا درد، گیس، اور بھوک نہ لگنے کی شکایت دور کرتا ہے۔

متلی اور اُلٹی کا علاج

پودینے کا جوشاندہ متلی اور اُلٹی میں فوری آرام پہنچاتا ہے۔

حرارتِ غریزی کی بحالی

جسمانی قوت اور زندگی کی توانائی کو برقرار رکھتا ہے۔

قلبی صحت

پودینہ دل کی صحت کے لیے فائدہ مند ہے۔ اس میں موجود اجزاء دل کی دھڑکن کو نارمل رکھتے ہیں اور خون کی روانی کو بہتر بناتے ہیں۔ پودینہ کا استعمال بلڈ پریشر کو متوازن رکھنے میں مددگار ہو سکتا ہے۔

سردرد کی راحت

پودینہ سردرد کے لیے ایک قدرتی علاج کے طور پر استعمال کیا جا سکتا ہے۔ پودینہ کے پتے یا اس کے تیل کو ماتھے پر لگانے سے سردرد میں آرام ملتا ہے کیونکہ پودینہ کی خوشبو اور ٹھنڈک سردرد کو کم کرنے میں مدد دیتی ہے۔

جلدی بیماریوں کا علاج

پودینہ کے پتوں کا رس یا پودینہ کا تیل جلدی مسائل جیسے کہ دانے اور سوزش کے علاج کے لیے استعمال کیا جا سکتا ہے۔ اس میں موجود خصوصیات جلد کی سوزش کو کم کرتی ہیں اور داغ دھبے صاف کرنے میں مدد دیتی ہیں۔

موڈ کی بہتری

پودینہ موڈ کو بہتر بناتا ہے اور انسان کو خوشگوار محسوس کرتا ہے۔ اس کی خوشبو دماغ میں خوشی کے ہارمونز کی پیداوار کو بڑھاتی ہے جو کہ خوشی اور سکون کا باعث بنتے ہیں۔

ہیضے میں مفید

ہیضے کے دوران پودینے کا قہوہ پیاس بجھاتا ہے اور جسمانی رطوبات کے اخراج کو روکتا ہے۔

سردی کے اثرات

اگر جسمانی حرارت کم ہو جائے تو پودینے کا قہوہ فوری گرمی فراہم کرتا ہے۔

پیٹ کے کیڑوں کا خاتمہ

پودینہ کاجوشاندہ پیٹ کے کیڑوں کو مارنے کی صلاحیت رکھتا ہے۔

وزن کم کرنے میں مدد

پودینہ کا استعمال وزن کم کرنے میں بھی مددگار ثابت ہو سکتا ہے۔ یہ آپ کو زیادہ دیر تک بھرپور رکھتا ہے جس سے آپ زیادہ کھانے سے بچ جاتے ہیں۔

بے خوابی کے لیے

پودینہ کی خوشبو نیند کو بہتر بنانے میں مدد کرتی ہے۔ اگر آپ نیند کے مسائل سے پریشان ہیں تو پودینہ کی چائے پینا یا پودینہ کی خوشبو سے فضا کو خوشگوار بنانا فائدہ مند ہو سکتا ہے۔

بلغم کا اخراج

جمی ہوئی بلغم کو پتلا کرکے خارج کرتا ہے۔

زہر کا اثر ختم

بچھو یا بھڑ کے کاٹنے پر پودینے کا لیپ درد اور زہر کو کم کرتا ہے۔

پودینہ کے چند مفید نسخہ جات

سفوفِ ہاضم

پودینہ 20گرام، فلفل سیاہ 10گرام، سونڈھ 10گرام، اجوائن 40گرام اور نوشادر ٹھیکری 20گرام۔ تمام اجزاء کو باریک پیس کر ایک بوتل میں محفوظ کر لیں۔
مقدارِ خوراک: 3 گرام صبح و شام نیم گرم پانی کے ساتھ کھانا کھانے کے بعد استعمال کریں۔
فوائد: ہاضمہ ٹھیک کرتا ہے، گیس اور معدے کی تیزابیت ختم کرتا ہے۔

امراضِ معدہ کے لیے مفید

پودینہ تازه ا تولہ اور چینی ۲ تولہ
ترکیب تیاری: دونوں ادویہ کو پانی میں گھوٹ کر پلائیں
مقدار خوراک: یہ ایک خوراک ہے۔
فوائد: تمام امراض معدہ کے لیے مفید ہے۔

حب پودینہ

پودینہ ۱۰ تولہ، گل مدار ۵ تولہ، فلفل دراز ۲۔۵ تولہ، فلفل سیاه ۲۔۵ تولہ دیسی اجوائن ۲۔۵ تولہ نمک سیاہ ۲۔۵ تول
ترکیب تیاری: سب ادویہ کو الگ الگ کوٹ چھان کر ہمراہ پانی کھرل کر کے گولیاں بنالیں۔
مقدار خوراک: ایک گولی ہمراہ تاز پانی دیں۔
قے، بدہضمی اور اسہال کے لیے مفید ہے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

شلجم ایک قدرتی غذا ہے جو نہ صرف ذائقے میں منفرد ہے بلکہ صحت کے لیے بے شمار فوائد بھی رکھتا ہے۔ اس میں موجود معدنیات کی مقدار آپ کی مجموعی صحت کو بہتر بنانے میں مدد دیتی ہے۔ شلجم کے فوائد اتنے زیادہ ہیں کہ اسے اپنی روزمرہ کی خوراک میں شامل کرنا آپ کے جسم کے لیے بہت فائدہ مند ثابت ہو سکتا ہے۔ چاہے آپ کا مقصد وزن کم کرنا ہو، دل کی صحت کو بہتر بنانا ہو، یا جسم کے مدافعتی نظام کو مضبوط کرنا ہو، شلجم آپ کے لیے ایک بہترین انتخاب ثابت ہو سکتا ہے۔

فوائد

غذائیت سے بھرپور

شلجم میں ایسے ضروری غذائی اجزاء پائے جاتے ہیں جو وزن کم کرنے میں مددگار ہو سکتے ہیں۔

قوت مدافعت بڑھانے میں مددگار

شلجم میں ایسے قدرتی معدنیات کی مقدار زیادہ ہوتی ہے جو جسم کی قوت مدافعت کو مضبوط بنانے میں مدد دیتے ہیں۔

ہاضمے کے لیے مفید

شلجم ہاضمے کو بہتر بنانے اور قبض سے بچانے میں مدد دیتی ہے۔ یہ آنتوں کی صحت کو بہتر کرتی ہے اور نظام ہاضمہ کو فعال رکھتی ہے۔

دل کی صحت کے لیے فائدہ مند

شلجم بلڈ پریشر کو کنٹرول کرنے اور دل کی صحت کو بہتر بنانے میں مدد دیتی ہے۔ اس میں موجود اجزاء کولیسٹرول کو کم کرنے میں بھی مددگار ہیں۔

ہڈیوں کی مضبوطی

شلجم میں ایسے منرلز پائے جاتے ہیں جو ہڈیوں کی صحت کو بہتر بناتے ہیں اور ہڈیوں کے بھربھرے پن سے بچاتے ہیں۔

جلد کے لیے فائدہ مند

شلجم میں موجود اجزاء جلد کی صحت کو بہتر بناتے ہیں، جلد کو چمکدار اور جوان رکھنے میں مدد دیتے ہیں۔

کینسر سے بچاؤ

شلجم میں قدرتی مرکبات پائے جاتے ہیں جو کینسر کے خلیات کی نشوونما کو روکنے میں مددگار ہو سکتے ہیں۔

وزن کم کرنے میں مددگار

شلجم میں آئرن زیادہ ہوتا ہے جو پیٹ بھرنے کا احساس دیتا ہے اور وزن کم کرنے میں مدد دیتا ہے۔

آنکھوں کی صحت کے لیے مفید

شلجم آنکھوں کی صحت کے لیے ضروری ہے اور بینائی کو بہتر بناتا ہے۔

سوزش کم کرنے والی خصوصیات

شلجم میں ایسے مرکبات پائے جاتے ہیں جو جسم میں سوزش کو کم کرنے میں مدد دیتے ہیں۔

دمہ کے مریضوں کے لیے

شلجم دمہ کے علاج میں کافی مددگار ہے۔ دمہ کے مریض جو شلجم کھاتے ہیں انہیں کم حد تک گھبراہٹ کا سامنا کرنا پڑتا ہے۔

چمکتی ہوئی جلد

شلجم میں قدرتی اجزاء وافر مقدار میں پائے جاتے ہیں۔ یہ معدنیات صحت مند جلد کے لیے ضروری ہیں۔ شلجم کے مسلسل استعمال سے جلد چمکدار اور ہموار ہوتی ہے۔

جگر کی صفائی

شلجم جگر کے افعال کو بہتر بناتا ہے اور جسم سے زہریلے مادے خارج کرنے میں مدد دیتا ہے۔

ذہنی سکون

شلجم دماغی صحت کے لیے فائدہ مند ہے۔ یہ دماغ میں کیمیکلز کی پیداوار کو بہتر بناتا ہے جو کہ مزاج کو بہتر بناتے ہیں اور ذہنی دباؤ کو کم کرتے ہیں۔ اس کے علاوہ یہ نیند کی کیفیت کو بہتر بنانے میں بھی مددگار ثابت ہو سکتا ہے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

چہل قدمی ایک سادہ لیکن انتہائی مؤثر ورزش ہے جو جسمانی اور ذہنی صحت کے لیے بے شمار فوائد فراہم کرتی ہے۔ یہ نہ صرف دل کی صحت کو بہتر بناتی ہے بلکہ ذہنی دباؤ کو کم کرنے، وزن کم کرنے اور پٹھوں کی طاقت بڑھانے میں بھی مددگار ثابت ہوتی ہے۔ چہل قدمی آپ کو توانائی بخشتی ہے اور جسمانی لچک میں بھی اضافہ کرتی ہے۔ اگر یہ عادت روزانہ کی بنیاد پر اپنائی جائے تو اس کے فائدے اور بھی زیادہ محسوس ہوتے ہیں۔

فوائد

وزن کم کرنے میں مددگار

روزانہ 30 منٹ کی تیز چہل قدمی کیلوریز جلانے اور وزن کم کرنے میں مدد دیتی ہے۔

دل کی صحت کے لیے مفید

چہل قدمی بلڈ پریشر کو کنٹرول کرتی ہے، کولیسٹرول کو کم کرتی ہے اور دل کی بیماریوں کے خطرے کو کم کرتی ہے۔

شوگر کا خطرہ کم کرتی ہے

باقاعدہ چہل قدمی خون میں شکر کی سطح کو کنٹرول کرتی ہے جس سے ٹائپ 2 شوگر کا خطرہ کم ہوتا ہے۔

ہڈیوں اور پٹھوں کو مضبوط بناتی ہے

چہل قدمی ہڈیوں کی کثافت کو بہتر بناتی ہے اور پٹھوں کو مضبوط کرتی ہے خاص طور پر ٹانگوں اور کمر کے پٹھوں کے لیے۔

مدافعتی نظام کو بہتر بناتی ہے

روزانہ چہل قدمی کرنے سے جسم کا مدافعتی نظام مضبوط ہوتا ہے جس سے بیماریوں سے لڑنے کی طاقت بڑھتی ہے۔

ذہنی تناؤ کم کرتی ہے

چہل قدمی ایسے ہارمون کو خارج کرتی ہے جو ذہنی تناؤ، پریشانی، اور ڈپریشن کو کم کرنے میں مدد دیتی ہے۔

نیند کو بہتر بناتی ہے

باقاعدہ چہل قدمی نیند کے معیار کو بہتر بناتی ہے اور بے خوابی کے مسائل کو کم کرتی ہے۔

توانائی میں اضافہ

چہل قدمی سے جسم میں خون کی گردش بہتر ہوتی ہے جس سے توانائی کے لیول میں اضافہ ہوتا ہے۔

پھیپھڑوں کی صحت کے لیے مفید

تیز چہل قدمی سے پھیپھڑوں کی کارکردگی بہتر ہوتی ہے اور آکسیجن کا استعمال زیادہ موثر ہوتا ہے۔

جسمانی توازن اور لچک بہتر ہوتی ہے

چہل قدمی سے جسمانی توازن اور لچک بہتر ہوتی ہے جس سے چوٹ لگنے کا خطرہ کم ہوتا ہے۔

دماغی صحت کے لیے فائدہ مند

چہل قدمی یادداشت کو بہتر بناتی ہے اور دماغی صحت کو برقرار رکھنے میں مدد دیتی ہے۔

جلد کی صحت کے لیے مفید

چہل قدمی سے خون کی گردش بہتر ہوتی ہے جس سے جلد کو آکسیجن اور غذائیت ملتی ہے اور جلد چمکدار ہوتی ہے۔

معمول کی سرگرمی

چہل قدمی کو روزمرہ کی زندگی میں آسانی سے شامل کیا جا سکتا ہے۔ یہ کسی خاص سامان یا جگہ کی ضرورت نہیں رکھتی۔

معاشرتی فوائد

دوستوں یا خاندان کے ساتھ چہل قدمی کرنا تعلقات کو بہتر بناتا ہے اور سماجی سرگرمیوں میں اضافہ کرتا ہے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

سردیوں میں جلد خشک اور پھٹی ہوئی نظر آتی ہے خاص طور پر ہاتھوں اور پیروں کی جلد جو زیادہ حساس ہوتی ہے لیکن آپ چند آسان اور قدرتی طریقوں سے نہ صرف اپنے ہاتھوں اور پیروں کو نرم و ملائم بنا سکتے ہیں بلکہ انہیں دلکش اور پرکشش بھی بنا سکتے ہیں۔ ایک اچھی روٹین اور تھوڑی سی توجہ سے آپ اپنی جلد کو دوبارہ نکھار سکتے ہیں اور اسے نرم ریشم جیسا بنا سکتے ہیں۔

گلیسرین اور لیموں کا مرکب

ایک چمچ گلیسرین اور 1 چمچ لیموں کا رس ملا کر ہاتھوں اور پاؤں پر لگائیں۔ 20 منٹ بعد نیم گرم پانی سے دھو لیں۔ یہ جلد کی خشکی اور کھردرے پن کو ختم کرتا ہے۔

ناریل کا تیل اور چینی کا اسکراب

دو چمچ ناریل کا تیل اور 1 چمچ چینی ملا کر جلد پر ہلکے ہاتھوں سے مالش کریں۔ یہ جلد کو نرم بناتا ہے۔

شہد اور دہی کا ماسک

شہد اور دہی کو برابر مقدار میں مکس کرکے جلد پر لگائیں۔ 15-20 منٹ بعد دھو لیں۔ یہ جلد کو ڈیپ موئسچرائز کرتا ہے۔

وٹامن ای کا تیل

وٹامن ای کے کیپسول کا تیل رات کو سونے سے پہلے لگائیں اور کاٹن کے دستانوں یا موزوں میں ڈھانپ کر سو جائیں۔ یہ جلد کی مرمت میں مددگار ہے۔

پٹرولیم جیل

پھٹی ہوئی جلد پر پٹرولیم جیل لگا کر موزے پہن لیں۔ یہ جلد کو ہوا سے بچاتا ہے اور نمی برقرار رکھتا ہے۔

کیلے کا پیسٹ

پکے ہوئے کیلے کو میش کرکے ہاتھوں اور پاؤں پر لگائیں۔ 15 منٹ بعد دھو لیں۔ کیلے میں موجود ودرتی معدنیات جلد کو نرم کرتا ہے۔

گرم پانی میں نمک ڈال کر بھگوئیں

گرم پانی میں 1 چمچ نمک ملا کر ہاتھ پاؤں 10 منٹ تک بھگوئیں۔ یہ پھٹی جلد کو آرام پہنچاتا ہے۔

کھیرے اور دودھ کا لوشن

کھیرے کا رس اور دودھ برابر مقدار میں ملا کر جلد پر لگائیں۔ یہ جلد کو ٹھنڈک پہنچاتا ہے اور خشکی ختم کرتا ہے۔

بے بی آئل کا استعمال

سونے سے پہلے بے بی آئل سے ہاتھوں اور پاؤں کی مالش کریں۔ یہ جلد کو نرم کر دیتا ہے۔

موئسچرائزنگ کریم کا استعمال

گلاب کے تیل یا ناریل کے تیل کا استعمال کریں۔ رات کو سونے سے پہلے ان تیلوں کو اچھی طرح ہاتھوں اور پیروں پر لگا کر مالش کریں پھر سوتے وقت پلاسٹک بیگ یا موزے پہن کر رکھیں تاکہ تیل جلد میں اچھی طرح جذب ہو جائے۔

شہد اور زیتون کے تیل کا ماسک

ایک چمچ شہد اور دو چمچ زیتون کے تیل کو مکس کریں اور اسے ہاتھوں اور پیروں پر لگائیں۔ تقریباً 15 سے 20 منٹ تک لگا رہنے دیں پھر پانی سے دھو لیں۔ شہد میں قدرتی نمی ہوتی ہے جو جلد کو نرم کرتی ہے۔

آلو کا استعمال

آلو کو اُبال کر اس کا پیسٹ بنائیں اور پھر اسے اپنے ہاتھوں اور پیروں پر لگائیں۔ آلو کی قدرتی خصوصیات جلد کو نرم اور ہموار بنانے میں مدد دیتی ہیں۔

لیموں اور چینی کا اسکرب

لیموں اور چینی کا اسکرب بنا کر اس کا استعمال کریں۔ چینی جلد کو ڈیڈ سیلز سے صاف کرتی ہے اور لیموں کا رس جلد کو روشن کرتا ہے۔

سردیوں میں جلد کو محفوظ رکھنے کے چند طریقے

دستانے اور موزے پہنیں

سردیوں میں ہاتھوں اور پاؤں کو ٹھنڈی ہوا سے بچانے کے لیے دستانے اور موزے ضرور پہنیں۔ یہ جلد کو خشک ہونے سے بچاتے ہیں۔

گرم پانی کا کم استعمال

ہاتھوں اور پاؤں کو زیادہ دیر تک گرم پانی میں نہ بھگوئیں۔ گرم پانی جلد کے قدرتی تیل کو ختم کر دیتا ہے جس سے خشکی بڑھتی ہے۔

ہلکے صابن کا استعمال

جلد کو خشک کرنے والے سخت صابن کی بجائے موئسچرائزنگ والے ہلکے صابن استعمال کریں۔

پانی کا زیادہ استعمال

جسم کو ہائیڈریٹ رکھنے کے لیے روزانہ کم از کم 8 گلاس پانی پئیں۔ خشک جلد کی ایک بڑی وجہ پانی کی کمی ہوتی ہے۔

متوازن غذا کھائیں

وٹامنز اور منرلز سے بھرپور غذائیں جیسے پھل، سبزیاں، مچھلی اور گری دار میوے کھائیں۔ یہ جلد کی صحت کو بہتر بناتے ہیں۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں

Do visit us for principled and certain treatment

تِل ایک قدیم اور غذائی بیج ہے جس کا استعمال مختلف ثقافتوں میں صدیوں سے ہوتا آرہا ہے۔ یہ چھوٹے سے بیج نہ صرف ذائقے میں مزیدار ہوتے ہیں بلکہ صحت کے حوالے سے بھی بے شمار فوائد رکھتے ہیں۔ تِل میں موجود معدنیات اور فیٹی ایسڈز اسے ایک طاقتور غذائی جزو بناتے ہیں جو صحت کے لیے فائدہ مند ہے۔ اگر آپ اپنی صحت کو بہتر بنانا چاہتے ہیں اور قدرتی علاج کی طرف مائل ہیں تو تِل ایک بہترین انتخاب ہو سکتا ہے۔ اس تحریر میں ہم تِل کے فوائد، استعمال کے طریقے اور اس کے مختلف اقسام پر تفصیل سے بات کریں گے۔

فوائد

ہاضمہ کے مسائل کو دور کرنا

تِل ہاضمہ کے لئے بہت فائدہ مند ہوتا ہے۔ یہ آنتوں کی حرکت کو بہتر بناتا ہے اور قبض کی شکایت کو دور کرتا ہے۔ اس کے علاوہ تِل کا تیل یا تِل کو پانی کے ساتھ استعمال کرنے سے معدے کے مسائل جیسے گیس، بدہضمی اور اپھارہ بھی کم ہوتے ہیں۔ تِل کا تیل معدے کی جلن اور سوزش کو کم کرنے میں مددگار ہے۔

خون کی کمی کے لئے فائدہ مند

تِل میں آئرن کی مقدار بہت زیادہ ہوتی ہے جو خون کی کمی کو دور کرنے کے لئے بہت مفید ہے۔ خون کی سطح کو بڑھانے کے لیے تِل کا استعمال بہت اہم ہے۔ انیمیا میں مبتلا افراد کے لیے تِل کے بیج ایک قدرتی علاج ہو سکتے ہیں۔

جلد کی صحت میں بہتری

تِل کے تیل میں قدرتی اجزاء کی بڑی مقدار ہوتی ہے جو جلد کو نرم، ملائم اور چمکدار بناتے ہیں۔ تِل کا تیل جلد کے خشکی، کھچاؤ اور سوزش کو دور کرتا ہے۔ اس کے علاوہ تِل کے تیل کا استعمال چہرے کی جھریوں کو کم کرنے اور عمر کے اثرات کو سست کرنے میں بھی مددگار ثابت ہوتا ہے۔

جوڑوں کی سوزش اور درد

تِل میں قدرتی معدنیات کی مقدار ہوتی ہے جو جوڑوں کی سوزش کو کم کرتی ہے اور درد میں آرام پہنچاتی ہے۔ یہ خصوصیت خاص طور پر آرتھرائٹس جیسے امراض میں فائدہ مند ہے۔ تِل کے تیل کی مالش بھی جوڑوں میں سوزش اور درد کو کم کرنے میں مدد دیتی ہے۔

دل کی صحت کی بہتری

تِل میں ایسی چکنائیاں معجود ہوتی ہیں جو کولیسٹرول کی سطح کو کم کرنے میں مدد دیتی ہیں اور دل کی صحت کو بہتر بناتی ہیں۔ یہ دل کی بیماریوں اور ہائی بلڈ پریشر کے خطرات کو کم کرتی ہیں۔ تِل کا استعمال دل کے دورے اور فالج کے امکانات کو کم کر سکتا ہے۔

خواتین کے لئے فائدہ مند

خواتین کے لیے تِل خاص طور پر اہم ہے کیونکہ یہ ہارمونل بیلنس کو بہتر بنانے میں مدد کرتا ہے۔ تِل کا استعمال ماہواری کے دوران درد کو کم کرنے اور پٹھوں کے تناؤ کو دور کرنے میں بھی مددگار ہوتا ہے۔

ذہنی سکون اور نیند

تِل ذہنی سکون اور نیند کی کیفیت کو بہتر بناتی ہے۔ یہ ذہنی دباؤ اور تناؤ کو کم کرنے میں بھی مددگار ثابت ہوتا ہے۔

مجموعی صحت کے فوائد

تِل ہڈیوں کی صحت کے لیے ضروری ہیں اور یہ ہڈیوں کو مضبوط رکھتے ہیں۔ اس کے علاوہ تِل ذہنی سکون فراہم کرتے ہیں اور دماغی افعال کو بہتر بناتے ہیں۔

تِل کے چند مفید نسخہ جات

کیلشیم کی کمی کے لیے

تل سفید 50گرام گرینڈ کر کے ایک گلاس دودھ ملا کر پی لیں ذائقہ کے لیئے حسب ضرورت شهد یا شکر ملا سکتے ہیں۔
شوگر اور موٹاپے کے مریض بغیر شکر استعمال کریں

معدے کی صحت کے لیے

ایک چمچ سیاہ یا سفید تِل لے کر انہیں پیس لیں پھر اس میں ایک چمچ شہد ملا کر روزانہ صبح خالی پیٹ کھائیں۔
ہاضمہ کو بہتر بناتا ہے اور معدے کی جلن یا گیس کو دور کرتا ہے۔

جوڑوں کے درد کے لیے

جوڑوں کے درد اور سوزش کے لیے تِل کے تیل کو ہلکا سا گرم کریں اور اس میں تھوڑا سا نمک ملا کر مالش کریں۔ یہ جوڑوں کے درد میں کافی آرام پہنچاتا ہے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

دیسی گھی جو ہماری روایتی کھانوں کا لازمی جزو رہا ہے نہ صرف ذائقے کا کمال ہے بلکہ یہ صحت کے حوالے سے بھی ایک قیمتی خزانہ ہے۔ اگر آپ چاہتے ہیں کہ آپ کا جسم، دماغ اور جلد ہر لحاظ سے تندرست اور جوان رہیں تو دیسی گھی ایک ایسا راز ہے جس کا اثر فوری اور دیرپا ہوتا ہے۔ اس کی قدرتی طاقت اور غذائیت آپ کی زندگی میں نہ صرف خوشبو اور ذائقے کا اضافہ کرتی ہے بلکہ آپ کی صحت کو بھی نیا ولولہ دیتی ہے۔ تو آئیے اس حیرت انگیز قدرتی تحفے کے فوائد کو دریافت کرتے ہیں اور جانتے ہیں کہ یہ کیسے آپ کی روزمرہ زندگی میں جادو کی طرح اثرانداز ہو سکتا ہے۔

دیسی گھی کے فوائد

دل کی صحت

دیسی گھی میں موجود قدرتی چکنائیاں دل کے لیے فائدہ مند ہیں۔ یہ چکنائیاں کولیسٹرول کی سطح کو متوازن رکھنے میں مدد دیتی ہیں اور دل کی بیماریوں کے خطرے کو کم کرتی ہیں۔ یہ اچھے کولیسٹرول کو بڑھا کر برے کولیسٹرول کو کم کرتی ہیں جس سے دل کی بیماریوں کا خطرہ کم ہو جاتا ہے۔

ہاضمہ کی بہتری

دیسی گھی ہاضمہ کے عمل کو بہتر بنانے میں مددگار ثابت ہوتا ہے۔ یہ آنتوں کی جلن کو کم کرتا ہے اور آنتوں کی صحت کو برقرار رکھنے میں مدد دیتا ہے جس سے قبض، سینے کی جلن اور دیگر ہاضمے کے مسائل میں کمی آتی ہے۔ یہ کھانے کے بعد ہاضمے کی افادیت کو بہتر بناتا ہے اور آنتوں کے کینسر کے خطرے کو بھی کم کرتا ہے۔

جلد کی چمک

دیسی گھی میں ایسے اجزاء موجود ہوتے ہیں جو جلد کی مرمت اور صحت کے لیے فائدہ مند ہیں۔ دیسی گھی جلد کے خلیوں کی تجدید میں مدد کرتا ہے، جھریوں اور جلن کو کم کرتا ہے۔ دیسی گھی کو جلد پر لگانے سے یہ جلد کو نمی فراہم کرتا ہے جس سے جلد نرم اور چمکدار رہتی ہے۔ یہ ایک قدرتی موئسچرائزر کی طرح کام کرتا ہے۔

ہڈیاں مضبوط اور تندرست

دیسی گھی ہڈیوں کی مضبوطی کے لیے ضروری ہے۔ وٹامن ڈی کی کمی سے ہڈیوں کی کمزوری جیسے مسائل پیدا ہو سکتے ہیں لہذا دیسی گھی کے استعمال سے یہ مسائل کم ہو سکتے ہیں۔ یہ خاص طور پر بڑھتی عمر کے افراد کے لیے مفید ہے۔

اینٹی آکسیڈنٹس کا خزانہ

دیسی گھی میں کئی قسم کے اینٹی آکسیڈنٹس پائے جاتے ہیں جو جسم کو نقصان دہ مادوں سے بچاتے ہیں۔ یہ نقصان دہ مادے بیماریوں اور عمر کے اثرات کا باعث بن سکتے ہیں۔ اینٹی آکسیڈنٹس کے ذریعے جسم میں ان نقصان دہ مادوں کی مقدار کم کی جا سکتی ہے جو صحت کو فروغ دیتے ہیں اور عمر کے اثرات کو کم کرتے ہیں۔

دماغی صحت

دیسی گھی میں موجود اجزاء دماغی صحت کے لیے بہت مفید ہیں۔ یہ دماغ کے خلیات کی صحت کو بہتر بناتے ہیں اور یادداشت کو تیز کرتے ہیں۔ دیسی گھی دماغ کی مناسب فنکشننگ میں مدد دیتا ہے اور دماغی تھکاوٹ، بے چینی اور ڈپریشن کے خطرات کو کم کرتا ہے۔ یہ دماغی خلیوں کی تخلیق میں بھی مددگار ثابت ہوتا ہے۔

مدافعتی نظام کا مضبوط محافظ

گھی میں ایسے قدرتی اجزاء ہوتے ہیں جو جسم کے مدافعتی نظام کو مضبوط بناتے ہیں۔ دیسی گھی جسم میں آلودگی اور انفیکشن کے خلاف قوت مدافعت کو بڑھاتا ہے اس لیے یہ سردی، نزلہ و زکام اور دیگر بیماریوں سے بچاؤ میں مددگار ثابت ہو سکتا ہے۔

توانائی کا قدرتی ذریعہ

دیسی گھی میں چکنائی کی ایسی خاص نوعیت ہوتی ہے جو جسم میں دیرپا توانائی فراہم کرتی ہے۔ یہ چربی تیزی سے جسم میں جذب ہو جاتی ہے اور آپ کو فوری توانائی ملتی ہے، جس سے آپ دن بھر متحرک اور چست رہتے ہیں۔

مضبوط بال

دیسی گھی کا استعمال بالوں کی صحت کے لیے بھی فائدہ مند ہے۔ اس میں موجود آءرن اور اینٹی آکسیڈنٹس بالوں کو مضبوط بناتے ہیں اور خشکی کو کم کرتے ہیں۔ دیسی گھی کو بالوں کی جڑوں میں لگانے سے بالوں کا گرنا کم ہو سکتا ہے اور یہ نرم اور چمکدار رہتے ہیں۔

حمل اور دودھ پلانے والی ماؤں کے لیے فائدہ مند

دیسی گھی حمل کے دوران ماں اور بچے دونوں کے لیے فائدہ مند ہو سکتا ہے۔ یہ بچے کی نشوونما کے لیے ضروری چکنائیاں فراہم کرتا ہے اور ماں کے جسم کی توانائی کی ضروریات کو بھی پورا کرتا ہے۔ دودھ پلانے والی ماؤں کے لیے بھی دیسی گھی کا استعمال دودھ کی مقدار اور معیار کو بہتر بنانے میں مددگار ثابت ہو سکتا ہے۔

یاد رکھیں! ہر چیز کا اعتدال میں استعمال بہترین ہوتا ہے۔ آپ اپنے روزمرہ کے کھانے میں دیسی گھی کا استعمال اپنی صحت کو بہتر بنانے کے لیے کر سکتے ہیں لیکن اس کا زیادہ استعمال نقصان دہ بھی ہو سکتا ہے۔ دیسی گھی کا استعمال متوازن مقدار میں کرنا چاہیے کیونکہ زیادہ مقدار صحت کے مسائل پیدا کر سکتی ہے۔ ہمیشہ اپنے معالج سے مشورہ کرنا بہتر ہوتا ہے۔

دیسی گھی استعمال کرنے کے چند بہترین طریقے

ناشتہ میں شامل کریں

دیسی گھی کو آپ اپنے ناشتہ میں بھی شامل کر سکتے ہیں۔ جیسے آپ روٹی یا پراٹھے بنا رہے ہوں ان پر دیسی گھی لگا کر کھائیں۔ یہ آپ کو توانائی فراہم کرے گا اور دن بھر کی مصروفیات کے لیے آپ کو تروتازہ رکھے گا۔ اگر آپ اوٹس یا دلیہ کھا رہے ہیں تو ان میں بھی دیسی گھی ڈال کر مزید ذائقے اور غذائیت کا اضافہ کریں۔

چائے یا دودھ میں شامل کریں

صبح کی چائے یا دودھ میں ایک چمچ دیسی گھی شامل کرنا ایک بہترین طریقہ ہے۔ یہ نہ صرف جسم کو حرارت فراہم کرتا ہے بلکہ توانائی بھی بڑھاتا ہے۔ دیسی گھی دودھ کے ساتھ مل کر ہاضمے کو بہتر بناتا ہے اور آپ کی صحت کے لیے فائدہ مند ہوتا ہے۔

سبزیوں یا سالن میں شامل کریں

آپ جب سبزی یا سالن تیار کر رہے ہوں تو آخر میں ایک چمچ دیسی گھی ڈال کر اس کا ذائقہ مزید لذیذ بنا سکتے ہیں۔ گھی نہ صرف سبزیوں یا سالن کی خوشبو کو بڑھاتا ہے بلکہ ان میں موجود غذائی اجزاء کو بہتر طور پر جذب ہونے میں بھی مددگار ثابت ہوتا ہے۔

آٹا گوندھنے میں استعمال کریں

دیسی گھی کو آٹے میں شامل کرنا روٹی، پراٹھے یا نان کے ذائقے کو مزید مزیدار بناتا ہے۔ اس سے روٹی نہ صرف نرم ہوتی ہے بلکہ اس میں ایک قدرتی خوشبو بھی آتی ہے۔

دیسی گھی کے چند مفید نسخہ جات

طاقت کے لیے بہترین نسخہ

دیسی انڈا 1عدد، دیسی گھی 1 چمچ(چھوٹی)، پیاز کا رس 1 چمچ(چھوٹی)، گاجر کا رس 1 چمچ(چھوٹی) اور شھد خالص 1 چمچ(چھوٹی)
سب کو مکس کرکے تھوڑی دیر ہلکی آنچ پر پکا کر گرما گرم پی لیں۔
یہ ایک وقت کی دوا ہے روزانہ ایک خوراک استعمال کریں اور کھٹی چیزوں سے پرھیز رکھیں۔

حلوہ کنوار گندل

اجزاء: سوجی آدھا کلو، دیسی گھی آدھا کلو، چینی آدھا کلو
سب سے پہلے کنوار گندل کے پتے چھیل کر گودہ جوسر میں شیک کرکے پانی بنا لیں اور سوجی صاف کرکے اس میں بھگو دیں۔ دو گھنٹے بعد باریک کپڑے سے نچوڑ کر کڑاہی میں ڈالکر پکانا شروع کریں جب کچھ گرم ہو جائے تو دیسی گھی شامل کرکے ہلاتے رہیں اور پکاتے رہیں جب براؤن ہونے لگے تو چینی شامل کر دیں اور پکاتے جائیں یہاں تک کہ گھی چھوڑ دے اس کے بعد پرات میں ڈالکر چوڑا کرکے چھری سے برفی کی طرح کاٹ لیں۔ اور کھایا کریں۔
جسم کی دردیں، پٹھوں کی کمزوری، مشقت کرنے والوں کی تھکن، کمر درد، نیز بدن کے ٹانک کیلئے۔ زیادہ سردی لگنے والے بدن،کمزور ہڈیوں والے۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

انار ایک ایسا قدرتی پھل ہے جو نہ صرف ذائقے میں لذیذ ہے بلکہ صحت کے لیے بھی بے شمار فوائد فراہم کرتا ہے۔ لیکن کیا آپ جانتے ہیں کہ انار کا استعمال آپ کی صحت کو بہتر بنانے کے کئی حیرت انگیز طریقوں سے ممکن ہے اس میں موجود قدرتی مرکبات اور غذائی اجزاء نہ صرف دل کی بیماریوں، کینسر، اور ہاضمے کے مسائل سے لڑنے میں مدد دیتے ہیں بلکہ آپ کی جلد، دماغ، اور جسمانی طاقت کو بھی بڑھاتے ہیں۔ آئیے، انار کے ان رازوں کو دریافت کریں جو آپ کی زندگی کو بہتر بنا سکتے ہیں۔

ڈپریشن اور ذہنی مسائل میں کمی

انار کا استعمال ڈپریشن اور ذہنی مسائل کو کم کرنے میں بھی مددگار ثابت ہوتا ہے۔ انار کا جوس دماغی صحت کو فروغ دیتا ہے اور ذہنی تناؤ کو کم کرتا ہے۔

اینٹی ایجنگ خصوصیات

انار میں موجود اجزاء عمر رسیدگی کی علامات کو سست کرتے ہیں اور جلد کی جوانی کو برقرار رکھتے ہیں۔ انار کا باقاعدہ استعمال جلد پر جھریوں کو کم کرتا ہے اور جلد کی خشکی کو دور کرتا ہے۔

دل کی دھڑکن کو بہتر بنانا

انار کا جوس دل کی دھڑکن کو مستحکم رکھنے اور دل کی صحت کو بہتر بنانے میں مدد دیتا ہے۔ یہ دل کے فالج یا دل کی دوسری بیماریوں سے بچاؤ کے لیے بھی فائدہ مند ہے۔ انار کا رس دل کی دھڑکن کی رفتار کو معمول پر لانے میں بھی اہم کردار ادا کرتا ہے۔

مردوں کی صحت

انار مردوں کی صحت کے لیے مفید ہے خاص طور پر جنسی صحت کے حوالے سے۔ انار کا رس ٹیسٹوسٹیرون کی سطح بڑھا سکتا ہے اور جنسی کارکردگی کو بہتر بنانے میں مددگار ثابت ہو سکتا ہے۔ انار خون کی گردش کو بہتر بناتا ہے جو کہ جنسی صحت کے لیے اہم ہے۔

زخموں کی شفا

انار کی جڑیں اور پتے بھی مختلف بیماریوں کے علاج میں استعمال ہوتے ہیں۔ انار کی جڑوں کا استعمال زخموں کو جلد ٹھیک کرنے، ورم کو کم کرنے اور جلن کو سکون دینے کے لیے کیا جاتا ہے۔ انار کا رس جلد کے انفیکشن سے بچاتا ہے۔

دماغی کارکردگی میں اضافہ

انار دماغی کارکردگی پر اچھا اثر ڈالتا ہے۔ اس میں موجود قدرتی اجزاء دماغی خلیات کی حفاظت کرتے ہیں اور یادداشت کو بہتر بنانے میں مدد دیتے ہیں۔ انار کا رس دماغی عمر کو بڑھا سکتا ہے اور الزائمر جیسی بیماریوں کے خطرے کو کم کرتا ہے۔

حمل کے دوران فائدہ

حاملہ خواتین کے لیے انار کا استعمال فائدہ مند ثابت ہو سکتا ہے۔ انار میں موجود آئرن بچے کی نشوونما کے لیے اہم ہے اور اس سے ماں کی صحت بھی بہتر رہتی ہے۔ انار خون کی کمی کو دور کرتا ہے اور حاملہ خواتین کو توانائی فراہم کرتا ہے۔

گردوں کی صحت

انار گردوں کی صفائی میں مددگار ہے۔ انار کا جوس گردوں کی بیماریوں سے بچاؤ میں اہم کردار ادا کرتا ہے کیونکہ یہ گردوں میں موجود زہریلے مواد کو ختم کرنے میں مدد دیتا ہے۔ انار کا استعمال گردے کی پتھری کو بھی نرم کرنے اور اس کے اخراج میں مدد دے سکتا ہے۔

جگر کی صحت

انار کا رس جگر کی صحت کے لیے مفید ہوتا ہے۔ یہ جگر کے افعال کو بہتر بناتا ہے اور اس کے زہریلے مادوں کو باہر نکالنے میں مدد فراہم کرتا ہے۔

انار کے چند طبی فوائد

شربت انار

انار کے دانوں کو نچوڑ کر آدھا کلو پانی نکالیں اور اس میں ڈیڑھ کلو چینی ڈال کر حسب دستور شربت بنا لیں۔
مقدار خوراک: 60 گرام صبح اور 60 گرام شام استعمال کریں۔
فوائد: مقوی دل، گبراہٹ اور بےچینی کو دور کرتا ہے۔

چورن ہاضمہ

اناردانہ ترش 60 گرام، سونٹھ 7 گرام، زیرہ سفید 7 گرام، تربد سفید دو گرام، زیرہ سیاہ دو گرام، چھلکا بہیڑہ دو گرام، چھلکا ہرڑپپلی دو گرام، تنتریک دو گرام، نمک لاہوری 50 گرام۔ ان سب کو ملا کر باریک پیس لیں اور باریک چھلنی سے چھان لیں۔
ترکیب استعمال: 5 گرام صبح و شام کھانے کے بعد استعمال کریں۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment

گاجر ایک ایسی قدرتی غذا ہے جو آپ کی صحت کے لیے ایک قیمتی تحفہ ہے۔ گاجر میں موجود معدنیات اسے ایک مکمل صحت بخش غذا بناتے ہیں جو آنکھوں کی روشنی سے لے کر دل کی صحت تک ہر حصے کو فائدہ پہنچاتی ہے۔ چاہے اسے کچا کھائیں، جوس بنا کر پئیں یا کسی پکوان میں شامل کریں، گاجر کا ہر طریقہ آپ کی تندرستی میں اضافہ کرتا ہے۔ اس تحریرمیں ہم گاجر کے کچھ حیرت انگیز فوائد کا ذکر کریں گے جو آپ کو اس غذائی خزانے کی اہمیت کا اندازہ دلائیں گے۔

فوائد

آنکھوں کی صحت

گاجر میں قدرتی معدنیات کا بڑا ذخیرہ موجود ہوتا ہے جو آنکھوں کی صحت کے لیے نہایت ضروری ہیں۔ یہ معدنیات ایک قسم کے اینٹی آکسیڈنٹ ہیں جو آنکھوں کو الرجی سے بچاتے ہیں اور نظر کی کمزوری کو روکنے میں مدد دیتے ہیں۔ یہ رات کی نظر کو بہتر بناتے ہیں اور آپ کو زیادہ روشن اور واضح دیکھنے کی سہولت فراہم کرتے ہیں۔

دل کی صحت

گاجر میں موجود قدرتی اجزاء اور فائبر دل کی صحت کو بہتر بناتے ہیں۔ فائبر کولیسٹرول کی سطح کو کم کرنے میں مدد دیتا ہے جبکہ قدرتی اجزاء خون کی شریانوں میں سوزش کو کم کرتے ہیں جس سے دل کے امراض کا خطرہ کم ہوتا ہے۔ گاجر کا باقاعدگی سے استعمال دل کے نظام کو بہتر رکھنے میں مددگار ہے۔

ہاضمہ کی بہتری

گاجر کا باقائدہ استعمال آنتوں کی حرکت کو بہتر کرتا ہے، قبض کو دور کرتا ہے اور آنتوں کے کینسر کے خطرے کو بھی کم کرتا ہے۔ اس کے علاوہ گاجر کا پانی پینے سے ہاضمہ کا عمل مزید بہتر ہوتا ہے اور معدہ صاف رہتا ہے۔

جلد کی خوبصورتی

گاجر میں موجود اجزاء جلد کو نم رکھ کر اس کی صفائی اور چمک بڑھاتے ہیں۔ یہ جلد کو نقصان دہ شعاعوں سے بچاتے ہیں، جھریوں اور بڑھاپے کی علامات کو کم کرتے ہیں۔ گاجر کا جوس پینے سے جلد پر قدرتی چمک آتی ہے اور مہاسوں کی روک تھام بھی ہوتی ہے۔

کینسر سے بچاؤ

گاجرر پھیپھڑوں، جگر اور پستان کے کینسر کے خطرے کو کم کرنے میں مددگار ثابت ہوتی ہے۔

مدافعتی نظام کی مضبوطی

گاجر مدافعتی نظام کو تقویت دیتی ہے اور یہ جسم کو بیماریوں کے خلاف بہتر طور پر لڑنے میں مدد کرتی ہے۔ گاجر کا روزانہ استعمال آپ کی جسمانی قوت مدافعت کو بڑھاتا ہے اور آپ کو بیماریوں سے بچاتا ہے۔

بالوں کی صحت

گاجر کے فوائد بالوں کے لیے بھی بہت اہم ہیں۔ گاجر بالوں کی جڑوں کو مضبوط کرتی ہے اور ان کے بڑھنے میں مدد دیتی ہے۔ گاجر کے رس کو بالوں میں لگانے سے خشکی دور ہوتی ہے اور بال نرم و چمکدار ہو جاتے ہیں۔

موڈ کی بہتری

گاجر موڈ کو بہتر بناتی ہے اور آپ کو ذہنی سکون فراہم کرتی ہے۔ اس کے استعمال سے آپ خود کو زیادہ خوشگوار اور توانائی سے بھرپور محسوس کر سکتے ہیں۔

خون کی کمی

گاجر میں آئرن کی مقدار اچھی ہوتی ہے جو خون کی کمی (انیمیا) کو دور کرنے میں مددگار ہے۔ اس کے علاوہ وٹامن C آئرن کے جذب کو بہتر بناتا ہے جس سے خون کی سطح کو تیزی سے بہتر بنایا جا سکتا ہے۔

جسمانی توانائی میں اضافہ

گاجر قدرتی طور پر توانائی کا اچھا ذریعہ ہے۔ اس میں موجود قدرتی شوگر آپ کو فوری توانائی فراہم کرتی ہے اور آپ کو دن بھر چست اور متحرک رکھتی ہے۔

ہڈیوں کی مضبوطی

گاجر ہڈیوں کی مضبوطی میں اہم کردار ادا کرتی ہے۔ یہ ہڈیوں کی ساخت کو بہتر بناتی ہے اور ان کے ٹوٹنے کے خطرے کو کم کرتی ہے۔

گاجر کے چند طبی فوائد

ضعف دماغ

اجزاء: گاجروں کا رس ا تولہ، مغز بادام ۶ عدد
ترکیب تیاری: مغز بادام کو اچھی طرح کھرل کر کے اس میں ملا دیں۔
تركيب استعمال: صبح نہار منہ استعمال کریں
دماغی کمزوری، حافظہ قوی، نظر کی کمزوری، طالب علموں اور دماغی کام کرنے والوں کے لیے مفید ہے۔

سفوف بصارت و ترک عینک

اجزاء: سونف ایک پاؤ، بادام آدھ پاؤ، گاجر کا رس ایک پاؤ، کوزہ مصری ادویہ کے برابر
ترکیب تیاری: گاجر کو صاف کر کے پانی نکالیں پھر سونف کو کسی چینی کے برتن یا مٹی کے برتن میں ڈالیں۔ اس پر گاجر کا پانی ڈال دیں۔ برتن کو کسی ململ کے رومال سے ڈھانپ کر محفوظ جگہ ملہ پر رکھیں۔ جب پانی سونف سے خشک ہو جائے تو پھر پاؤ بھر گاجر کا پانی ڈال دیں۔ یہ عمل تین مرتبہ کرنا ہے۔ اور پھر خشک ہونے پر بادام باریک پیس کر برابر مقدار کوزہ مصری ملالیں۔
مقدار خوراک: روزانہ ایک تولہ رات کے وقت دودھ سے کھایا کریں۔

ہر مرض کے اصولی اور یقینی علاج کیلئے مسلم دواخانہ کی خدمات حاصل کریں
Do visit us for principled and certain treatment