پیاز ایک عام سبزی جو ہر کچن میں موجود ہوتی ہے لیکن کیا آپ جانتے ہیں کہ یہی سادہ سی سبزی صحت کے لیے بھی مفید ہے؟پیاز کو صرف کھانوں کا ذائقہ بڑھانے کے لیے نہیں بلکہ مختلف بیماریوں کے علاج میں بھی استعمال کیا جا رہا ہے۔ پیاز کو دل، جگر، معدہ اور جلد جیسے مسائل کے لیے مؤثر علاج مانا گیا ہے۔ اس تحریر میں ہم پیاز کے وہ تمام طبّی فوائد جانیں گے جنہیں جان کر آپ شاید آج ہی اسے اپنی روزمرہ خوراک کا حصہ بنا لیں۔ فوائد جگر کی صحت کے لیے پیاز ایک قدرتی غذا ہے جو صدیوں سے مختلف بیماریوں کے علاج میں استعمال ہو رہی ہے۔ یہ خاص طور پر جگر کی صحت کے لیے نہایت مفید سمجھی جاتی ہے۔ پیاز میں سلفر کمپاؤنڈز اور اینٹی آکسیڈنٹس پائے جاتے ہیں جو جگر کو صاف کرنے میں مدد دیتے ہیں اور جسم سے زہریلے مادوں کا اخراج آسان بناتے ہیں۔ یہ صفراء کی پیداوار کو متحرک کرتا ہے جو ہاضمے میں مددگار ہے اور جگر کے افعال کو بہتر بناتا ہے۔ پیاز کا باقاعدہ استعمال جگر کی چربی، سوجن اور کمزوری جیسے مسائل میں فائدہ مند ثابت ہو سکتا ہے۔ اس کے علاوہ، پیاز خون کو صاف کرتا ہے اور جسمانی دفاعی نظام کو مضبوط بناتا ہے، جو جگر کی مجموعی صحت کو بہتر بنانے میں مدد دیتا ہے۔ قدرتی علاج کے شوقین افراد کے لیے پیاز ایک سستا، محفوظ اور مؤثر ذریعہ ہے جگر کو صحت مند رکھنے کا۔ بخار اور انفیکشن میں پیاز کا رس شہد کے ساتھ دینے سے بخار، نزلہ و زکام اور انفیکشن میں آرام آتا ہے۔ پیشاب کی بندش پیاز پیشاب آور ہے یعنی یہ جسم سے فالتو پانی نکالنے میں مدد دیتا ہے۔ گردے اور مثانے کی سوجن یا پیشاب کی بندش میں نفع دیتا ہے۔ پیٹ کے کیڑوں کا علاج پیاز کا پانی بچوں اور بڑوں کو پیٹ کے کیڑوں کے خاتمے کے لیے دیا جاتا ہے۔ دل کی دھڑکن کی بے ترتیبی پیاز میں موجود اجزاء دل کی دھڑکن کو قابو میں رکھتے ہیں اور دل کے مریضوں کے لیے مفید سمجھے جاتے ہیں۔ بلغم اور کھانسی میں مفید پیاز کا قہوہ یا پیاز کا رس شہد کے ساتھ لینا بلغم کو نرم کرتا ہے اور پرانی کھانسی میں مفید ہے۔ دمہ اور سانس کی بیماریوں میں پیاز میں سلفر مرکبات پائے جاتے ہیں جو پھیپھڑوں میں بلغم کو کم کرتے ہیں اور سانس کی تکلیف میں فائدہ دیتے ہیں۔ خارش، پھوڑے اور پھنسیوں میں پیاز کا لیپ جلد پر لگانے سے خارش، پھنسی اور زخم جلدی ٹھیک ہوتے ہیں۔ اس میں جراثیم کش خصوصیات ہوتی ہیں۔ نکسیر آنا گرمیوں میں اکثر نکسیر کی شکایت ہوتی ہے۔ پیاز کو کاٹ کر سونگھنے سے فوراً آرام آتا ہے، اور ناک سے خون آنا بند ہو جاتا ہے۔ اسے ایک قدیم گھریلو علاج سمجھا جاتا ہے۔ کان کے درد کا علاج پیاز کا رس نیم گرم کر کے روئی کی مدد سے کان میں ڈالنے سے کان کا درد، سوجن اور انفیکشن میں آرام آتا ہے۔ دانت درد میں آرام پیاز کا ایک ٹکڑا دانت میں چبانا یا اس کا رس درد والی جگہ پر لگانا جراثیم کو ختم کرتا ہے اور سوجن کم کرتا ہے۔ جِلد کی بیماریاں پیاز کا رس جلد کی خارش، الرجی اور دانوں میں مفید ہے۔ خاص طور پر جلد کے زخموں پر لگانے سے جراثیم ختم ہو جاتے ہیں۔ موٹاپا کم کرنے میں مددگار پیاز نظامِ ہضم کو بہتر کرتا ہے، جسم میں چربی کو جمع ہونے سے روکتا ہے اور قوت مدافعت کو بڑھاتا ہے جس سے وزن گھٹانے میں مدد ملتی ہے۔ خون جمنے کو روکتا ہے پیاز خون کو گاڑھا ہونے سے روکتا ہے جس سے فالج اور ہارٹ اٹیک کا خطرہ کم ہوتا ہے۔ آنکھوں کے لیے مفید اگرچہ پیاز سے آنکھوں میں پانی آتا ہے لیکن اس کے اندرونی اجزاء آنکھوں کی صفائی اور بعض جراثیمی انفیکشن میں مفید سمجھے جاتے ہیں۔ خون کی کمی پیاز آئرن کو جذب کرنے میں مدد دیتا ہے۔ اگر اسے پالک یا کلیجی کے ساتھ استعمال کیا جائے تو انیمیا کے علاج میں معاون ہوتا ہے۔ گنج پن میں مفید پیاز کے رس کو ناریل کے تیل کے ساتھ ملا کر سر پر لگانے سے بالوں کی جڑیں مضبوط ہوتی ہیں اور گنج پن کے خلاف مدد مل سکتی ہے۔ یہ نسخہ خاص طور پر ان لوگوں کے لیے کارآمد ہے جنہیں بال جھڑنے کا مسئلہ ہو۔ جِلد کی جھریوں کے خلاف پیاز جلد کو ٹائٹ کرتا ہے اور جھریوں کو روکتا ہے۔ پیاز کا رس چہرے پر شہد کے ساتھ لگایا جا سکتا ہے۔ بخار اور الرجی میں پیاز الرجی کی علامات جیسے آنکھوں سے پانی، ناک بہنا، یا سانس کی الرجی میں مفید ہے۔ زہریلے کیڑوں کے کاٹنے پر زہریلا کیڑہ کاٹنے پر پیاز کا رس لگانے سے سوجن، زہر اور جلن کم ہو جاتی ہے۔ خاص طور پر مچھر، شہد کی مکھی یا چیونٹی کے کاٹنے میں آزمودہ ہے۔ نیند نہ آنے کی شکایت رات کو سونے سے پہلے پیاز کا سوپ یا پیاز کا رس پینے سے نیند بہتر آتی ہے۔ خاص طور پر نیند کی کمی یا بے خوابی کے مریضوں کے لیے۔ پرانی قبض اور گیس میں مفید پیاز کا سلاد روزانہ کھانے سے معدے کے افعال بہتر ہوتے ہیں، گیس، تیزابیت، اور قبض میں خاص فائدہ ہوتا ہے۔ پیاز کے چند نسخہ جات کان کا بہنا پیاز اور لہسن صرف کھانے کے ذائقے ہی نہیں بڑھاتے بلکہ یہ صدیوں سے دیسی علاج میں اہم کردار ادا کر رہے ہیں۔ کان کے مختلف مسائل جیسے پیپ بہنا، پانی پڑجانا یا سوجن وغیرہ کے لیے پیاز کا پانی ایک مؤثر قدرتی علاج ہے۔ پیاز کو کچل کر اس کا خالص پانی نکالیں اور روزانہ صبح و شام چند قطرے متاثرہ کان میں ڈالیں۔ یہ طریقہ کار کان کے اندر موجود جراثیم کو ختم کرتا ہے، سوزش کو کم کرتا ہے اور پیپ کے بہاؤ کو روکنے میں مدد دیتا ہے۔ اسی طرح، لہسن کو بیس گرام خالص تیل (سرسوں یا زیتون کا تیل) میں جلا کر تیار کیا گیا تیل بھی کان کے…

اجوائن کے چھوٹے چھوٹے بیج نہ صرف خوشبو سے بھرپور ہوتے ہیں بلکہ آپ کی صحت کے لیے بھی بے شمار فوائد رکھتے ہیں۔ اگر آپ ہاضمہ کے مسائل سے پریشان ہوں یا وزن کم کرنے کی کوشش کر رہے ہوں اجوائن ہر مسئلے کا حل بن سکتی ہے لیکن کیا آپ جانتے ہیں کہ اجوائن کے استعمال کے اور بھی حیرت انگیز فائدے ہیں؟ اس تحریر میں ہم آپ کو بتائیں گے کہ اجوائن کیسے آپ کی روزمرہ کی زندگی کو بہتر بنا سکتی ہے اور آپ کی صحت کے لیے کس طرح مفید ثابت ہو سکتی ہے۔ فوائد قوت مدافعت بڑھانے میں مددگار اجوائن جسم کی قوت مدافعت کو بڑھانے میں مدد دیتی ہیں۔ یہ جسم کو بیماریوں سے لڑنے کی طاقت فراہم کرتی ہے۔ نظام ہاضمہ کے لیے مفید اجوائن کا استعمال نظام ہاضمہ کو بہتر بناتا ہے۔ یہ گیس، اپھارہ، اور بدہضمی جیسی شکایات کو دور کرنے میں مددگار ہے۔ اس کے علاوہ یہ آنتوں کی صحت کو بھی بہتر کرتی ہے۔ سوزش کم کرنے والی خصوصیات اجوائن میں سوزش کم کرنے والی خصوصیات پائی جاتی ہیں جو جوڑوں کے درد، گنٹھیا اور دیگر سوزش والی بیماریوں میں آرام پہنچاتی ہے۔ کھانسی اور نزلہ زکام میں مفید اجوائن کا استعمال کھانسی، نزلہ اور زکام جیسی بیماریوں میں آرام دیتا ہے۔ یہ بلغم کو پتلا کرکے خارج کرنے میں مدد دیتی ہے اور سینے کی جکڑن کو کم کرتی ہے۔ اینٹی بیکٹیریل اثرات اجوائن میں موجود قدرتی مرکبات بیکٹیریا کے خلاف مؤثر ہیں۔ یہ جلد کے انفیکشن اور دیگر بیکٹیریل بیماریوں سے بچاؤ میں مددگار ہے۔ دل کی صحت کے لیے فائدہ مند اجوائن دل کی صحت کو بہتر بناتی ہے۔ یہ کولیسٹرول کو کم کرنے اور بلڈ پریشر کو کنٹرول کرنے میں مدد دیتی ہے۔ ذہنی تناؤ اور پریشانی کو کم کرنا اجوائن کے تیل کا استعمال ذہنی تناؤ اور پریشانی کو کم کرنے میں مددگار ہے۔ اس کی خوشبو اعصاب کو پرسکون کرتی ہے۔ جلد کی صحت کے لیے مفید اجوائن کے تیل کو جلد پر لگانے سے جلد کے انفیکشن، کیل، مہاسے، اور دیگر مسائل کو کم کیا جا سکتا ہے۔ یہ جلد کو صاف اور تروتازہ رکھتی ہے۔ وزن کم کرنے میں مددگار اجوائن کے استعمال سے وزن کم کرنے میں مدد ملتی ہے۔ یہ جسم میں چربی جمع ہونے کے عمل کو کم کرتی ہے۔ منہ کی صحت کے لیے فائدہ مند اجوائن کے اینٹی بیکٹیریل اثرات منہ کی بدبو، مسوڑھوں کی بیماریوں، اور دانتوں کے انفیکشن کو روکنے میں مدد دیتے ہیں۔ اجوائن کے چند مفید نسخہ جات نسخہ(01) پرانے بخار میں اجوائن دیسی چھ ماشہ گلو تین ماشہ رات کو پانی میں بھگو کر صبحرگڑ چھان کر حسب ذائقہ نمک ملا کر استعمال کرنے سے تین سے پانچ دن کے اندر بخار دور ہو جاتا ہے۔ نسخہ(02) اگر اجوائن کو لیموں کے پانی میں رگڑ کر خشک کرکے سفوف بنایا جائے اور یہ سفوف ایک چمچہ چائے والا ہمراہ پانی دن میں ایک بار استعمال کرنے سے قوت باہ میں اضافہ ہوتا ہے۔ نسخہ(03) کچھ لوگوں کے بال عمر کے بڑھنے سے پہلے ہی سفید ہونا شروع ہو جاتے ہیں۔ اس کے بیج بالوں کی سفیدی روکنے میں مدد کرتے ہیں۔ بالوں کی سفیدی روکنے کے لیے ایک کپ پانی میں خشک انگور، کری پتے، اجوائن، اور چینی شامل کر کے پکائیں۔ یہ پانی روزانہ استعمال کریں جب تک کہ بالوں کی سفیدی میں اضافہ رک نہ جائے۔ ہر مرض کے اصولی اور یقینی علاج کیلئے مسلم دواخانہ کی خدمات حاصل کریںDo visit us for principled and certain treatment

یخنی وزن کم کرنے میں مدد کرتی ہے یخنی آپ کی بھوک کی کمی کو پورا کرنےمیں بڑا اہم کردار ادا کرتی ہے۔ یخنی ایک مکمل غذا ہونے کا احساس دیتی ہے اور جسم کے وزن اور پیٹ کی چربی کو کم کرنے میں مدد کرتی ہے۔ قوت مدافعت کے لئے یخنی کے فوائد یخنی قوت مدافعت کو بہتر کرتی ہے۔ یخنی کو زیادہ تر سردیوں میں پکایا جاتا ہے جس سے بیماریوں کے خلاف بہتر دفاع ہوتا ہے۔ یخنی میں موجود غذائی اجزاء جسمانی سوزش کو بھی کم کرتے ہیں۔ یخنی قوت مدافعت کو بڑھانے میں ایک اہم غذا ہے۔ یخنی دماغی صحت بڑھاتی ہے یخنی دماغ کے لیے مفید ہے۔ یخنی میں ایسے قدرتی اجزاء ہوتے ہیں جو موڈ کو بہتر بناتے ہیں اور نیند کو فروغ دیتے ہے۔ یخنی صحت کو بڑھاتی ہے یخنی ہڈیوں کی صحت کو بڑھاتی ہے۔ ہڈیوں کے لیے یخنی کے بہت اہم اور بہترین فوائد موجود ہیں۔ جب آپ باقاعدگی سے یخنی کا استعمال کرتے ہیں تو آپ کا جسم اپنے ٹشو بنانا شروع کر دیتا ہے۔ یخنی میں ایسے اجزاء ہوتے ہیں جو ہڈیوں اور پٹھوں کو مضبوط کرتے ہیں یہ اجزاء جوڑوں کے درد کو بھی کم کرتے ہیں۔ ہاضمہ کی بہتری یخنی میں قدرتی معدنیات ہوتے ہیں جو ہاضمہ کو بہتر بناتے ہیں۔ یہ معدنیات پیٹ کی بیماریوں جیسے گیس، قبض، اور آنتوں کی سوزش کو کم کرنے میں مدد دیتے ہیں۔ ہڈیاں اور جوڑوں کی صحت یخنی میں موجود اجزاء ہڈیوں اور جوڑوں کی صحت کے لئے مفید ہوتے ہیں۔ یہ جوڑوں کے درد اور ہڈیوں کی کمزوری کو کم کر کے جسم کو سکون دیتے ہیں۔ جلد کی صحت یخنی جلد کو صحت مند رکھنے میں بھی مدد دیتی ہے۔ خشکی کو کم کرنے اور جلد کے مسائل جیسے کیل، مہاسوں کو بھی کم کرتی ہے۔ پانی کی کمی یخنی جسم میں پانی کی کمی کو پورا کرتی ہے۔ کیونکہ یہ پانی سے بھرپور ہوتی ہے اس لیے جسم کو ہائیڈریٹ رکھنے میں مددگار ہے۔ توانائی میں اضافہ یخنی میں موجود پروٹین اور دیگر ضروری غذائی اجزاء توانائی فراہم کر کے جسم کو طاقتور اور چست رکھتے ہیں۔ آنتوں کی صحت یخنی میں پایا جانے والا جیلیٹن آنتوں کو ٹھیک کرنے کے لیے بےحد مفید ہے۔ جیلیٹن آنتوں کے سطح کی مرمت کرکے ا آنتوں سے متعلق بیماری اور کھانے کی وجہ سے ہونے والی سوزش کو کم کرکے آنتوں کو ٹھیک کرتا ہے۔ اچھی نیند کے لئے یخنی میں ایسے اجزاء پائے جاتے ہیں۔ جس وجہ سے انسان کو اچھی نیند آتی ہے۔اگر آپ بھی اچھی نیند کے متلاشی ہیں تو رات کو سونے سے قبل یخنی ضرور پئیں۔ مچھلی کی یخنی مچھلی سے تیارکردہ یخنی قدرتی اجزاء سے بھرپورہوتی ہے ۔اسی لئے یہ تھائی رائڈ کے امراض میں نہایت مفید ہے۔ چکن کے پنجوں کی یخنی مرغی کی یخنی پروٹین کا بہترین ذریعہ ہے۔ خاص طور پر چھوٹے بچوں کے لئے مفید اورطاقتورغذا ہے۔ بکرے کی ہڈیوں کی یخنی بکرے کی ہڈیاں بآسانی دستیاب ہوتی ہیں۔ انھیں آپ یخنی میں استعمال کرسکتے ہیں۔ اگرآپ کے جوڑوں میں درد ہو تو یہ آپ کے لئے مفید رہتی ہے۔ ٹھنڈ سے بچاتی ہے اورجسم کوطاقت فراہم کرتی ہے۔ متوازن بلڈ پریشر یخنی بلڈ پریشر کو متوازن رکھنے میں مدد دیتی ہے اور آپ کی مجموعی صحت کو بہتر بنا کر آپ کو صحت مند اور چاک و چوبند رکھتی ہے۔ خون کی روانی میں بہتری یخنی خون کی روانی کو بہتر بناتی ہے۔ کولیسٹرول کو متوازن رکھنے میں مددگار ہے۔ اس کے ساتھ ساتھ موسم کی تبدیلی کے دوران نزلہ و زکام سے بچاتی ہے۔ یخنی پینے کا بہترین وقت کیا ہے؟ ہفتے میں ایک بار یخنی پینی چائیے۔ اگر نہیں تو دیسی مرغ کا شوربہ بھی ایک بہترین غذا ہے۔ ہر مرض کے اصولی اور یقینی علاج کیلئے مسلم دواخانہ کی خدمات حاصل کریں

خون کا بہاؤ روکنے کے لئے پیپل کے درخت کے تنے کا نرم حصہ لے کر اس میں دھنیے کے بیج اور مصری ہم وزن لے کر ملائیں اور اس مرکب کو 3 سے 4 ملی گرام دن میں دو بار کھائیں یہ مرکب بہت فائدے مند ہے۔ پیٹ میں درد کے لئے دو سے ڈھائی عدد پیپل کے پتے لیں اور اس کا پیسٹ بنالیں پھر اس میں 50 گرام مونگ پھلی اور گڑ ملا کر چھوٹی گھولیاں بنالیں اور دن میں 3 سے 4 بار یہ گولیاں کھائیں۔ یہ پیٹ کے درد میں آرام دلانے کے لیے بے حد موثر دوا ہے کھانسی اور دمہ کے لئے کھانسی اور سینے میں تکلیف کے مختلف امراض، جلد کے جل جانے اورالٹی کے لیے بھی پیپل کے پھل بہت فائدے مند ہیں۔ دمہ یا استھما کے مرض میں مبتلا افراد پیپل کے درخت کے تنے کی چھال اور پھل ہم وزن لے کران کا الگ الگ سفوف بنالیں بعد میں اس سفوف کو ملا لیں اور 2 سے 3 گرام سفوف کو دن میں 2 بار پانی کے ساتھ کھائیں سانپ کے کاٹنے میں مفید دو چمچ پیپل کے پتوں کا رس لے کرمریض کو جس جگہ سانپ نے کاٹا ہو وہاں 3 سے 4 بار لگائیں یہ رس زہر کا اثر کم کرنے میں بہت موثر ہے جلد کے امراض کے لئے جلدی امراض، جلد پر ابھرنے والے دانوں اور خارش میں مبتلا افراد پیپل کے نرم پتوں کی 40 ملی لیٹر چائے بنا کر پئیں یہ چائے جلدی امراض میں بے حد فائدے مند ہے ایڑیوں کا پھٹنا ٹھنڈ اور سرد موسم میں سب سے پہلے انسانی جسم متاثر ہوتا ہے اور ہاتھوں، پیروں کی جلد کے علاوہ ایڑیاں بھی پھٹ جاتی ہیں جن میں شدید تکلیف ہوتی ہے۔پیپل کے نرم پتوں کا رس لے کر پھٹی ایڑیوں اور سردی سے متاثرہ ہاتھوں پرلگائیں یہ جلد سے سردی کا اثر ختم کرنے کے ساتھ ایڑیوں کو نرم ملائم بناتا ہے بخار کے لئے بخار میں آرام کے لئے پیپل کے چند پتے لیں اور انہیں دودھ میں ابال لیں اب اس میں چینی ملاکر اس مرکب کو دن میں دوبار پئیں یہ مرکب بخار کے لئے بے حد فائدے مند ہے دانتوں میں درد کے لئے دانتوں کا درد انسانی برداشت سے باہر ہوتا ہے تاہم پیپل کے درخت اور برگد کے درخت کے تنے کی چھال ہم وزن لے کر انہیں آپس میں ملالیں اور اسے پانی میں ابال لیں اب اس پانی سے کلی کریں۔ یہ نسخہ دانتوں میں درد کے لئے بے حد فائدے مند ہے ہر مرض کے اصولی اور یقینی علاج کے لیےمسلم دواخانہکی خدمات حاصل کریں

تِل ایک قدیم اور غذائی بیج ہے جس کا استعمال مختلف ثقافتوں میں صدیوں سے ہوتا آرہا ہے۔ یہ چھوٹے سے بیج نہ صرف ذائقے میں مزیدار ہوتے ہیں بلکہ صحت کے حوالے سے بھی بے شمار فوائد رکھتے ہیں۔ تِل میں موجود معدنیات اور فیٹی ایسڈز اسے ایک طاقتور غذائی جزو بناتے ہیں جو صحت کے لیے فائدہ مند ہے۔ اگر آپ اپنی صحت کو بہتر بنانا چاہتے ہیں اور قدرتی علاج کی طرف مائل ہیں تو تِل ایک بہترین انتخاب ہو سکتا ہے۔ اس تحریر میں ہم تِل کے فوائد، استعمال کے طریقے اور اس کے مختلف اقسام پر تفصیل سے بات کریں گے۔ فوائد ہاضمہ کے مسائل کو دور کرنا تِل ہاضمہ کے لئے بہت فائدہ مند ہوتا ہے۔ یہ آنتوں کی حرکت کو بہتر بناتا ہے اور قبض کی شکایت کو دور کرتا ہے۔ اس کے علاوہ تِل کا تیل یا تِل کو پانی کے ساتھ استعمال کرنے سے معدے کے مسائل جیسے گیس، بدہضمی اور اپھارہ بھی کم ہوتے ہیں۔ تِل کا تیل معدے کی جلن اور سوزش کو کم کرنے میں مددگار ہے۔ خون کی کمی کے لئے فائدہ مند تِل میں آئرن کی مقدار بہت زیادہ ہوتی ہے جو خون کی کمی کو دور کرنے کے لئے بہت مفید ہے۔ خون کی سطح کو بڑھانے کے لیے تِل کا استعمال بہت اہم ہے۔ انیمیا میں مبتلا افراد کے لیے تِل کے بیج ایک قدرتی علاج ہو سکتے ہیں۔ جلد کی صحت میں بہتری تِل کے تیل میں قدرتی اجزاء کی بڑی مقدار ہوتی ہے جو جلد کو نرم، ملائم اور چمکدار بناتے ہیں۔ تِل کا تیل جلد کے خشکی، کھچاؤ اور سوزش کو دور کرتا ہے۔ اس کے علاوہ تِل کے تیل کا استعمال چہرے کی جھریوں کو کم کرنے اور عمر کے اثرات کو سست کرنے میں بھی مددگار ثابت ہوتا ہے۔ جوڑوں کی سوزش اور درد تِل میں قدرتی معدنیات کی مقدار ہوتی ہے جو جوڑوں کی سوزش کو کم کرتی ہے اور درد میں آرام پہنچاتی ہے۔ یہ خصوصیت خاص طور پر آرتھرائٹس جیسے امراض میں فائدہ مند ہے۔ تِل کے تیل کی مالش بھی جوڑوں میں سوزش اور درد کو کم کرنے میں مدد دیتی ہے۔ دل کی صحت کی بہتری تِل میں ایسی چکنائیاں معجود ہوتی ہیں جو کولیسٹرول کی سطح کو کم کرنے میں مدد دیتی ہیں اور دل کی صحت کو بہتر بناتی ہیں۔ یہ دل کی بیماریوں اور ہائی بلڈ پریشر کے خطرات کو کم کرتی ہیں۔ تِل کا استعمال دل کے دورے اور فالج کے امکانات کو کم کر سکتا ہے۔ خواتین کے لئے فائدہ مند خواتین کے لیے تِل خاص طور پر اہم ہے کیونکہ یہ ہارمونل بیلنس کو بہتر بنانے میں مدد کرتا ہے۔ تِل کا استعمال ماہواری کے دوران درد کو کم کرنے اور پٹھوں کے تناؤ کو دور کرنے میں بھی مددگار ہوتا ہے۔ ذہنی سکون اور نیند تِل ذہنی سکون اور نیند کی کیفیت کو بہتر بناتی ہے۔ یہ ذہنی دباؤ اور تناؤ کو کم کرنے میں بھی مددگار ثابت ہوتا ہے۔ مجموعی صحت کے فوائد تِل ہڈیوں کی صحت کے لیے ضروری ہیں اور یہ ہڈیوں کو مضبوط رکھتے ہیں۔ اس کے علاوہ تِل ذہنی سکون فراہم کرتے ہیں اور دماغی افعال کو بہتر بناتے ہیں۔ تِل کے چند مفید نسخہ جات کیلشیم کی کمی کے لیے تل سفید 50گرام گرینڈ کر کے ایک گلاس دودھ ملا کر پی لیں ذائقہ کے لیئے حسب ضرورت شهد یا شکر ملا سکتے ہیں۔شوگر اور موٹاپے کے مریض بغیر شکر استعمال کریں معدے کی صحت کے لیے ایک چمچ سیاہ یا سفید تِل لے کر انہیں پیس لیں پھر اس میں ایک چمچ شہد ملا کر روزانہ صبح خالی پیٹ کھائیں۔ہاضمہ کو بہتر بناتا ہے اور معدے کی جلن یا گیس کو دور کرتا ہے۔ جوڑوں کے درد کے لیے جوڑوں کے درد اور سوزش کے لیے تِل کے تیل کو ہلکا سا گرم کریں اور اس میں تھوڑا سا نمک ملا کر مالش کریں۔ یہ جوڑوں کے درد میں کافی آرام پہنچاتا ہے۔ ہر مرض کے اصولی اور یقینی علاج کیلئے مسلم دواخانہ کی خدمات حاصل کریںDo visit us for principled and certain treatment