Honey And Cinamom Benfits For Health
شہد اور دارچینی ایک قدرتی علاج ہے جو صحت کے مختلف پہلوؤں میں فائدہ مند ثابت ہوتا ہے۔ دونوں اجزاء اپنی منفرد خصوصیات کی بنا پر نہ صرف ذائقہ بڑھاتے ہیں بلکہ صحت کے لئے بھی بے شمار فوائد فراہم کرتے ہیں۔ شہد اپنی قدرتی مٹھاس کے ساتھ ساتھ جسم کو توانائی فراہم کرتا ہے جبکہ دارچینی کی تیز خوشبو اور ذائقہ دل کی صحت، ہاضمے اور وزن میں کمی کے لئے مفید ہیں۔ فوائد دل کی بیماری میں شہد اور دارچینی کا پیسٹ بنائیں اور اسے روزانہ استعمال کریں۔ یہ کولیسٹرول کو کم کرتا ہے اور دل کے دورے سے بچاتا ہے۔ دل کی دھڑکن کو بہتر بنانے کے لیے اس کا استعمال مفید ہے۔ دانت کے درد میں ایک چمچ پسی ہوئی دارچینی اور پانچ چمچ شہد کا پیسٹ بنالیں اور جس دانت میں درد ہو اس پر دن میں دو سے تین مرتبہ لگائیں۔ ٹھنڈ لگ جائے تو ایک کھانے کا چمچ نیم گرم شہد اور ایک چوتھائی چمچ پسی دارچینی روزانہ دن میں تین مرتبہ لیں تو پرانے سے پرانا بلغم دور کرتا ہے اور سانس کو صاف کرتا ہے۔ دانوں اور جلدی امراض کے لیے تین کھانے کے چمچ شہد اور ایک چائے کا چمچ پسی دارچینی کا پیسٹ بنا لیں۔ رات سوتے وقت اسے چہرے پر لگائیں اور صبح دھو لیں۔ اگر یہ عمل دو ہفتے تک مستقل کیا جائے تو یہ چہرے کے دانوں کو جڑ سے اکھاڑ پھینکتا ہے۔اسکے علاوہ داد اور جِلد کی دوسری بیماریوں کے لیے بھی مجرب نسخہ ہے۔ وزن کو کم کرنے کے لیے روزانہ صبح ناشتے سے آدھا گھنٹہ پہلے خالی پیٹ اور رات سونے سے پہلے ایک چائے کا چمچ دارچینی اور ایک کھانے کا چمچ شہد ایک کپ گرم پانی میں پئیں۔ اگر یہ عمل روزانہ کیا جائے تو وزن کم ہو جاتا ہے اور اس کے مستقل استعمال سے جسم میں فاضل چربی بھی نہیں بن پاتی ہے۔ کینسر سے محفوظ رہنے کے لیے معدے اور ہڈیوں کے کینسر سے محفوظ رہنے کے لیے روزانہ ایک چائے کا چمچ پسی دارچینی اور ایک کھانے کا چمچ شہد دن میں تین بار لیں۔ معدے کے امراض میں شہد کے ساتھ دار چینی لینے سے معدے کا درد بھی دور ہوتا ہے اور یہ معدے کے السر کو بھی جڑ سے ختم کرتا ہے گیس کی تکلیف میں شہد اور پسی دارچینی کو ایک ساتھ لینے سے گیس سمیت معدے کی بہت ساری تکالیف میں افاقہ ہوتا ہے وبائی زکام میں وبائی زکام میں تین دن تک نیم گرم شہد ایک کھانے کے چمچ کے ساتھ پسی دارچینی ایک چوتھائی چائے کا چمچ استعمال کریں بالوں کے جھڑنے میں روزانہ صبح اور رات میں ایک چائے کا چمچ شہد اور پسی دارچینی لینے سے بالوں کا جھڑنا بھی رک جاتا ہے۔ احتیاط کسی بھی چیز کی زیادتی اچھی نہیں ہوتی ہے۔اس لیے بتائے ہوئے طریقوں سے تجاوز نہ کریں ہر مرض کے اصولی اور یقینی علاج کے لیے مسلم دواخانہ کی خدمات حاصل کریں
