Healthy Meal For Health On Eid
رمضان کے بعد عید کی خوشیوں میں غذا کا خاص خیال رکھنا ضروری ہے تاکہ جسم کو توانائی ملے اور صحت برقرار رہے۔ عید پر زیادہ تر میٹھے اور چکنائی والے کھانے ہوتے ہیں مگر اگر آپ صحت کا خیال رکھتے ہوئے عید منانا چاہتے ہیں تو کچھ صحت بخش غذائیں منتخب کر سکتے ہیں جو خوشی کے ساتھ ساتھ آپ کی صحت کو بھی فائدہ پہنچائیں۔ فوائد پھلوں کا سلاد پھلوں میں معدنیات اور فائبر ہوتی ہے جو جسم کو تروتازہ رکھتے ہیں۔ رمضان کے بعد عید کے دنوں میں تازہ پھلوں کا سلاد بہترین انتخاب ہے خاص طور پر موسم کے مطابق انار، سیب اور کیلے وغیرہ۔ گرلڈ یا بیکڈ چکن فرائی چکن کے بجائے گرلڈ یا بیکڈ چکن کھانے سے چکنائی کم ہوتی ہے جبکہ پروٹین کی اچھی مقدار ملتی ہے۔ یہ دل کے لئے مفید اور ہاضمے کے لیے بھی بہترین ہے۔ دہی دہی کے استعمال سے ہاضمہ بہتر ہوتا ہے۔ آپ دہی کو پھلوں کے ساتھ یا اس کے ساتھ نمک اور کھیرا شامل کر کے مزید صحت بخش بنا سکتے ہیں۔ سبزیوں کا سوپ سبزیوں کا سوپ عید کے دوران ہلکے اور صحت مند کھانے کی ایک بہترین انتخاب ہے۔ یہ نہ صرف معدے کو آرام دیتا ہے بلکہ جسم کو ضروری طاقت بھی فراہم کرتا ہے۔ خشک میوہ جات پستے، بادام، اخروٹ اور کشمش جیسے خشک میوہ جات میں صحت کے لئے فائدہ مند چکنائیاں ہوتی ہیں۔ عید کے دنوں میں ان کا استعمال خوش ذائقہ اور توانائی بخش ہوتا ہے۔ اسموتھیز اگر آپ کو میٹھا کھانے کی خواہش ہو تو اسموتھیز ایک اچھا متبادل ہیں۔ ان میں آپ دودھ، دہی، اور پھلوں کا استعمال کر سکتے ہیں جو صحت مند اور ہاضمہ کے لئے فائدہ مند ہیں۔ بغیر چینی کے میٹھے اگر عید پر میٹھے کا دل کرے تو چینی کے بغیر میٹھے جیسے شہد سے تیار کردہ مٹھائیاں یا پھلوں کی چٹنی بہترین ہے۔ یہ آپ کو خوش ذائقہ کے ساتھ ساتھ اضافی کیلوریز سے بھی بچا سکتی ہیں۔ کچومر یا کھیرا سلاد کھیرا اور ٹماٹر کا کچومر سلاد آپ کے ہاضمہ کے نظام کو بہتر بناتا ہے اور جسم کو ہائیڈریٹ رکھتا ہے۔ یہ تازہ اور ہلکا پھلکا ہے جو عید کے دنوں میں بھاری کھانوں کے بعد ایک بہترین آپشن ہے۔ مچھلی مچھلی دل کی صحت کے لیے انتہائی فائدہ مند ہے۔ عید کے دنوں میں گریل یا بیکڈ مچھلی کھانا ایک صحت مند متبادل ہو سکتا ہے جو آپ کو ضروری غذائیت فراہم کرتی ہے۔ چکن یا سبزیوں کے کباب فرائی کے بجائے چکن یا سبزیوں کے کباب گریل کیے جائیں تو یہ کم چکنائی والے اور صحت بخش ہوتے ہیں۔ آپ انہیں ہلکی چٹنی کے ساتھ استعمال کر سکتے ہیں۔ براون بریڈ چکن، سبزیوں یا دہی کے ساتھ براون بریڈ کا استعمال کر کے آپ صحت بخش ذرائع حاصل کر سکتے ہیں۔ یہ آپ کی توانائی کو برقرار رکھتی ہیں۔ تازہ جوسز تازہ جوسز عید کی تھکن اور کمزوری کو دور کرنے میں مددگار ثابت ہوتے ہیں۔ خاص طور پر گاجر اور سنترے کا جوس وٹامن سے بھرپور ہوتا ہے اور جسم کو توانائی دیتا ہے۔ آپ اس میں تھوڑا سا شہد یا پودینہ ڈال کر ذائقہ بھی بڑھا سکتے ہیں۔ پودینے کی چٹنی پودینہ کی چٹنی جو دہی یا کم تیل میں تیار کی جائے ایک بہترین اور ہلکی کھانے کی چٹنی ہے جو کھانوں کے ذائقے کو بڑھاتی ہے۔ یہ ہاضمے کے لیے بھی فائدہ مند ہے اور کھانے کو مزید لذیذ بنا دیتی ہے۔ ہر مرض کے اصولی اور یقینی علاج کے لیے مسلم دواخانہ کی خدمات حاصل کریں
